![छाउपडी प्रथा अन्त्यका लागि गृह मन्त्रालयद्वारा समिति गठन गरेका छौँ : गृहमन्त्री](https://ehimalayatimes.com/wp-content/uploads/2024/06/Rabi-lamichhane.jpg)
दाङ । नेपाल संस्कृत विश्वविद्यालय केन्द्रिय आयुर्वेद विद्यापिठ बेलझुण्डीमा कार्यरत करार शिक्षकलाई हटाउन लागिएको भन्दै विद्यार्थीहरु आन्दोलित भएका छन् ।
शिक्षक अभाव भैरहेका बेला राजनितीक आस्थाका आधारमा शिक्षकलाई हटाउन थालिएको र पठनपाठन प्रभावित हुने भन्दै स्वतन्त्र विद्यार्थी युनियनको नेतृत्वमा विद्यार्थीहरु आन्दोलित भएका हुन् ।
आयुर्वेदको एउटा विभागमा ४ जना विज्ञ शिक्षक हुनु पर्ने चिकित्सा शिक्षा आयोगको मापदण्ड भएको अवस्थामा हाल अध्यापन गराइरहेका २ जना शिक्षक लाई पनि राजनितीक आस्थाका आधारमा असार महिनादेखि करार अवधी थप नगरी हटाउन लागेको भन्दै विद्यार्थीहरुले विश्वविद्यालय पदाधिकारीहरुको ध्यानाकर्षण गराएका हुन् ।
केन्द्रिय आयुर्वेद विद्यापिठ बेलझुण्डका स्ववियु सभापति हेमन्त वन्जाडेले विद्यार्थीको पठनपाठन प्रभावित गर्नेगरी विश्वविद्यालयले चालेको कदम आफुहरुलाई कदापी स्वीकार्य नहुने वताउनुभयो । आफहरुको आग्रहलाई बेवास्ता गरीए स्ववीयु कठोर कदम चाल्न बाध्य हुने उहाँको भनाइ छ । केन्द्रिय आयुर्वेद विद्यापिठ बेलझुण्डीमा कार्यरत करार शिक्षकहरु आयुर्वेद शल्यचिकित्सक मदन भण्डारी र रस शास्त्र विज्ञ अमित कर्णलाई असार देखी हाजिरी नगराउने मौखिक आदेश दिएको भन्दै क्याम्पस प्रशासन अन्यौलमा रहेको श्रोतले बताएको छ । आधिकारीक रुपमा पत्र नआएको तर मौखिक आदेश आएकाले हाजिरी गराउने कि नगराउने भन्नेमा आफुहरु अन्यौलमा रहेको क्याम्पस प्रशासनको भनाइ छ ।
चिकित्शा शिक्षा आयोगको मापदण्ड अनुसार केन्द्रिय आयुर्वेद विद्यापिठ बेलझुण्डीमा ५० बढि शिक्षक हुनुपर्ने भएपनि हाल २० जना शिक्षक मात्रै कार्यरत छन् । नेपाल संस्कृत विश्वविद्यालयको केन्द्रिय आयुर्वेद विद्यापिठ बेलझुण्डीमा २ सय बढि विद्यार्थीले आयुर्वेद स्नातक अध्ययन गरीरहेका छन । विद्यार्थी संख्या उल्लेख्य भएपनि शिक्षकको व्यवस्थापन गर्न र पठनपाठनलाई गुणस्तरीय बनाउन विश्वविद्यालयले कुनै चासो नदिएको आरोप विद्यार्थीहरुको छ ।
साथै विद्यार्थीहरुले त्यहाँ अध्ययनरत विद्यार्थीहरुको प्रयोगात्मक अभ्यासका लागि आवस्यक पर्ने सुविधा सम्पन्न आयुर्वेदिक अस्पताल निमार्णमा विश्वविद्यालयले कुनै ध्यान नदिएको र विद्यार्थीहरु मर्कामा परेको स्ववियुले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच