हुम्ला । हुम्लामा जिल्लास्तरीय हक्की प्रतियोगिता हुने भएको छ । यही मंगलबारदेखि हुम्लामा फाइभ एक साइट हक्की प्रतियोगिता हुन लागेको हो । आगामी दशौं राष्ट्रिय खेलकुद प्रतियोगिताअन्तर्गत हक्कीका खेल हुम्लामा सञ्चालन हुने भएका कारण यो प्रतियोगितालाई मध्यनजर राख्दै जिल्लास्तरीय प्रतियोगिता आयोजना हुन लागेको हो ।
हक्की संघ हुम्लाका अध्यक्ष रामजन रावतले प्रतियोगितामा महिला तथा पुरुषबीच छुट्टाछुट्टै रूपमा खेल हुने जानकारी दिनुभयो । उहाँले यतिबेला यो प्रतियोगिता सञ्चालन गर्नुको कारण दशौं राष्ट्रिय खेलकुद प्रतियोगिताअन्तर्गत हक्की खेल हुम्ला जिल्लामा हुने भएकाले जिल्लामा सञ्चालन गर्न लागिएको र यसै खेलबाट कर्णाली प्रदेशको टिम पनि छनोट हुने बताउनुभयो ।
हक्की खेलका लागि कर्णाली प्रदेशबाट सबै खेलाडी हुम्ला जिल्लाका छन् । सो प्रतियोगिता हाल हक्की खेलका लागि मैदान निर्माण कार्य पूरा नभइसकेका कारण मैदान नजिकैको सिमसार क्षेत्रको घाँसे मैदानमा हक्की हुनेछ । यसका लागि मुख्य रेफ्री इन्दु शर्मा, कर्णाली प्रदेश खेलकुद परिषद्का सदस्य-सचिव विश्वामित्र सन्ज्याल, संघका केन्द्रीय पदाधिकारी आउने कार्यक्रम रहेको जनाइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच