काठमाडौं । यशोदा फुड्सले आफ्नो उद्योगप्रति लक्षित समाचार बनाउन लगाउने, बनाउने र प्रसारण गर्नेविरुद्ध प्रचलित साइबर कानुनलगायतका कानुनी प्रक्रियामा जाने चेतावनी दिएको छ । कम्पनीले सोमबार एक विज्ञप्ति जारी गर्दै उद्योगलाई निहित स्वार्थ पूरा गर्न अनावश्यक दुःख दिने नियतले केही तत्वले स्वार्थी तत्व प्रयोग गरी कपोलकल्पित समाचार बनाउन लगाउने, बनाउने र प्रसारण गर्नेविरुद्ध प्रचलित साइबर कानुनलगायतका प्रचलित नेपाल कानुनबमोजिम कारबाही गर्न उद्योगले आवश्यक पहलकदमी लिइसकेको जनाएको छ ।
उद्योगद्वारा जारी विज्ञप्तिमा भनिएको छ, ‘हालैका दिनमा केही व्यक्तिहरूले सामाजिक सञ्जाल दुरूपयोग गरी कपोलकल्पित समाचार बनाएको पाइएकोप्रति उद्योगको गम्भीर ध्यानाकर्षण भएको छ । यस्ता कपोलकल्पित र काल्पनिक कुराका पछाडि नलागी यस उद्योगका उत्पादनको उत्पादन मिति चेकजाँच गरी ढुक्कसँग उपभोग गर्न र बजारमा म्याद समाप्त भएका अर्थात् उपभोग मिति समाप्त भएका उत्पादन प्रयोग नगर्न हामी आग्रह गर्दछौँ ।’ यशोदा फुड्स प्रालिले आफ्ना उत्पादन ढुक्कसँग उपभोग गर्न पनि आमउपभोक्तालाई आग्रह गरेको छ । उत्पादनको गुणस्तरमा विशेष सजगता अपनाई आएको स्पष्ट पार्दै उद्योग स्वच्छ व्यापारिक प्रतिस्पर्धाबाट अघि बढ्न चाहेको उद्योगको भनाइ छ ।
विज्ञप्तिमा भनिएको छ, ‘यस्ता मनगढन्ते, कपोलकल्पित र काल्पनिक कुराको पछि नलागी यस उद्योगका उत्पादनको उत्पादन मिति चेकजाँच गरी ढुक्कसँग उपभोग गर्नुहुन र बजारमा म्याद समाप्त भएका अर्थात् उपभोग मिति समाप्त भएका उत्पादन प्रयोग नगर्नसमेत सादर अपिल गर्दछौँ ।’
करेन्ट चाउ चाउ उत्पादक यशोदा फुड्सले अकबरे खुर्सानी, गुन्द्रुक, तामा, टिमुर, फापर, कोदो, नेपाली उद्योगबाट उत्पादित मैदालगायतका विभिन्न कृषि उपज प्रयोग गरी नेपालमा नै अन्तर्राष्ट्रियस्तरको स्वादिलो चाउ चाउलगायतका विभिन्न स्न्याक्स उत्पादन गरी निर्यातसमेत गर्दै आएको छ । उद्योगले करिब एक हजार नेपालीलाई रोजगारी प्रदान गर्दै आएको छ । यशोदा फुड्सका उत्पादन भारत, जापान, युएई, बहराइन, न्युजिल्याण्ड, अमेरिका, अष्ट्रेलिया, मलेसिया, भुटान, कुवेत, कतार, बेलायत, सिंगापुर, तिब्बत, चाइना, कोरिया, क्यानाडा, इटालीलगायतका देशमा निर्यात हुने गरेको छ । उद्योगले ६० करोड नेपाली रुपैयाँभन्दा बढीका उत्पादन चालु वर्षमा विभिन्न देशमा निर्यात गरेको जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच