काठमाडौं । दक्षिण अफ्रिका पहिलोपटक आइसिसी टी-२० विश्वकप क्रिकेटको उपाधि नजिक पुगेको छ । बिहीबार बिहान सम्पन्न पहिलो सेमिफाइनल खेलमा अफगानिस्तानलाई ९ विकेटले हराउँदै दक्षिण अफ्रिका फाइनल पुगेको हो । दक्षिण अफ्रिका अहिलेसम्म एकदिवसीय विश्वकपको फाइनल पुग्न सकेको छैन । दक्षिण अफ्रिकाको विश्वकप यात्रा सातपटक सेमिफाइनलबाटै टुंगिएको थियो । यसपटक भने भारत वा इंग्ल्याण्डमध्ये एकलाई हराएर उपाधि जित्ने नै अवसर दक्षिण अफ्रिकासामु छ । योसँगै पहिलोपटक सेमिफाइनल पुगेको अफगानिस्तानको फाइनल खेल्ने सपना भने चकनाचुर भएको छ ।
ट्रिनिडाडस्थित ब्रायन लारा क्रिकेट मैदानमा अफगानिस्तानले दिएको ५७ रनको लक्ष्य दक्षिण अफ्रिकाले ८.५ ओभरमा १ विकेट गुमाएर पूरा ग¥यो । दक्षिण अफ्रिकाका लागि रेजा हन्ड्रिक्सले २९ रन बनाउनुभयो । त्यस्तै, एडेन मार्क्रमले २३ रन बनाउनुभयो । क्विन्ट डी कक भने ५ रनमै आउट हुनुभएको थियो । अफगानिस्तानका लागि फजलहक फारुकीले १ विकेट लिनुभयो ।
यसअघि टस जितेर पहिले ब्याटिङ गरेको अफगानिस्तानको प्रदर्शन राम्रो हुन सकेन । पूरा टिम ५६ रनमात्र बनाएर अलआउट भएको थियो । पूरा टिम ११.५ ओभरमात्रै टिकेको थियो । अफगानिस्तानका लागि अजमुतुल्लाह ओमरजाईको १० रन नै सर्वाधिक रहृयो । अन्य ब्याटरले दोहोरो अंकमा रन जोड्न सकेनन् । दक्षिण अफ्रिकाका लागि सबै बलरले धारिलो बलिङ गरे । पछिल्लोपटक गत वर्ष कोलकातामा भएको एकदिवसीय विश्वकपको सेमिफाइनलमा दक्षिण अफ्रिका अष्ट्रेलियासँग ३ विकेटले पराजित भएको थियो । फाइनल खेल शनिबार हुनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच