बर्लिन । स्लोभाकियालाई हराउँदै इंग्ल्याण्ड युरोकप २०२४ को क्वाटरफाइनलमा प्रवेश गरेको छ । आइतबार राती गेल्सेनकर्चेनमा भएको प्रिक्वाटरफाइनल खेलमा इंग्ल्याण्डले स्लोभाकियालाई २-१ ले पराजित गरेको हो । सुरुवाती अग्रता भने स्लोभाकियाले लिएको थियो । इभान स्क्रान्जले २५औँ मिनेटमा स्लोभाकियाका लागि सुरुवाती गोल गर्नुभएको थियो ।
इंग्ल्याण्डले नियमित समयको अन्तिम समयमा मात्रै बराबरी गोल गरेको थियो । इन्जुरी समयको पाँचौँ मिनेटमा गोल गर्दै जुड बेलिङमले खेल अतिरिक्त समयमा धकेल्नुभएको थियो । अतिरिक्त समयको पहिलो मिनेटमा नै हृयारी केनले इंग्ल्याण्डलाई अग्रता दिलाउनुभएको थियो । इंग्ल्याण्डले अब क्वाटरफाइनलमा स्विट्जरल्याण्डविरुद्ध खेल्नेछ । स्विट्जरल्याण्डले इटालीमाथि जित हात पार्दै अन्तिम आठमा स्थान बनाएको हो ।
यस्तै, जर्जियाविरुद्ध फराकिलो जित दर्ता गर्दै स्पेनले युरोकपको क्वाटरफाइनलमा स्थान बनाएको छ । जर्मनीको कोल्नमा आइतबार राती सम्पन्न खेलमा स्पेनले जर्जियालाई ४-१ ले हराएको हो । स्पेनको जितमा रोड्री, फाबियन रुइज, निको विलियम्स र ड्यानी ओल्मोले १-१ गोल गर्नुभयो । जर्जियालाई रोविन नोर्मान्डले आत्मघाती गोलमार्फत् सुरुवाती अग्रता दिलाउनुभएको थियो ।
१८औँ मिनेटमा जर्जियाका नोर्मान्डले आफ्नै पोस्टमा गोल गर्नुभएको थियो । त्यसपछि स्पेनले लगातार पोस्टमा आक्रमण गरे पनि खेल बराबर गर्न भने ३९औँ मिनेट कुर्नुपरेको थियो । रोड्रीले गोल गरेपछि स्पेन बराबरीमा फर्किएको थियो । दोस्रो हाफको ५१औँ मिनेटमा रुइजले स्पेनलाई अघि बढाउनुभयो ।
७५औँ मिनेटमा विलियम्सले स्पेनको अग्रता दोब्बर पार्नुभयो । ८३औँ मिनेटमा बेन्चबाट आउनुभएका ओल्मोले स्पेनको जित पक्का गर्नुभयो । अब स्पेनले क्वाटरफाइनलमा जर्मनीको सामना गर्नेछ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच