झापा । संसदमा रहेका दुई ठूला दलबीच रातारात सत्ता सञ्चालनको सहमति बनेपछि मंगलबार बिहानैदेखि सामाजिक सञ्जाल र सञ्चार माध्यममा केहीनकेही नयाँ विषय छाइरहेका छन् ।
त्यसरी छाइरहेका विषय केही व्याङ्यात्मक र केही भावनात्मक छन् । त्यही मध्येको एउटा चर्चित सामग्री हो, एमाले अध्यक्ष केपी शर्मा ओलीले कांग्रेस महामन्त्री गगन थापाको हात समातेको तस्वीर । अहिले नेपाली कांग्रेसको केन्द्रीय कार्यालय बिपी स्मृति भवन ललितपुरमा ऐतिहासिक फोटो प्रदर्शनी चलिरहेको छ ।
पूर्वप्रधानमन्त्री तथा कांग्रेस सभापति गिरिजाप्रसाद कोइरालाको शताब्दी जन्मजयतीको अवसरमा आयोजित सो प्रदर्शनीको अवलोकन गर्न एमाले अध्यक्ष ओली र प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल पुग्नु भएको छ ।
उहाँहरुलाई कांग्रेस सभापति शेरबहादुर देउवाले स्वागत गर्नु भएको हो । तीन पार्टीका शीर्ष नेतात्रयसँगै बसेपनि एमाले अध्यक्ष ओलीले कांग्रेस महामन्त्री थापाको हात समातेको तस्वीर निक्कै लोकप्रिय बनेको छ ।
तस्वीरमा थापाले हात जोडेर नमस्कार गरेको र ओलीलाई केही भनिरहेको जस्तो देखिन्छ । जुन तस्वीरमा एमाले अध्यक्ष ओलीले देब्रे हातले कांग्रेस महामन्त्री थापाको हात सामात्नु भएको छ ।
शालीन र सभ्यताको सन्देश दिने यो तस्वीरलाई विभिन्न व्यक्तिले आआफ्नै ढंगले व्याख्या गर्ने क्रम चलिरहेको छ । कतिपयले अध्यक्ष ओलीले महामन्त्री थापाको हात समाएको रूपमा व्याख्या गरिरहेका छन् । जसले जे व्याख्या गरेपनि यस्ता तस्वीर नेपाली राजनीतिक वृत्तमा अर्थपूर्ण र महत्वका मानिन्छन्। मानिँदै आइएको छ र मानिने गरेको छ ।
अर्को चर्चित सामग्री हो, काठमाडौँ महानगरपालिका प्रमुख बालेन साह बालेन्द्रले सामाजिक सञ्जालमा गरेको पोष्ट । आज बिहानै प्रमुख साहले केपी ओली र शेरबहादुर देउवासँगै बसेर चिया खाँदै गरेको तस्वीर राखेर एउटा पोष्ट गर्नुभयो।
यो तस्वीर नयाँ होइन, पुरानै हो । तर तस्वीर राखेर गरेको पोष्टमा प्रमुख साहले लेख्नु भएको छ, 'यो समय गिरीबन्धु चियाको हो । काले काले मिलेर खाउ भाले ।' प्रमुख बालेनको पोष्ट अहिलेसम्म साढे २२ हजारले सेयर गरेका छन् । ३२ हजार नौ सयले कमेन्ट गरेका छन्।
यो पोष्ट तस्वीरका कारण नभई क्याप्सनका कारण लोकप्रिय भएको हो । प्रमुख साहले विगतदेखि नै गिरीबन्धुको प्रकरण जोडेर एमाले अध्यक्ष ओली उपर कटाक्ष गर्दै आउनु भएको छ ।
कांग्रेस र एमाले बीच सत्ता सञ्चालनको सहमति भएपछि काले काले मिलेर खाउ भाले भन्ने व्याङ्ग्यपूर्ण वाक्यांश जोडेर प्रमुख साहले ओली र देउवाउपर प्रहार गर्नुभएको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच