![संगीत नाट्य ग्रामको वातावरण बनाउनुपर्छ : अशोककुमार राई](https://ehimalayatimes.com/wp-content/uploads/2024/06/Ashok-Kumar-Rai-Hita-barta.jpg)
म्युजिक भिडियो निर्देशन र कोरियोग्राफमा आफूलाई अग्रणी रूपमा प्रस्तुत गर्दै आउनुभएको छ केशवराज भट्टले । गत सालको अन्तिम महिनामा रसुवाको दुर्गमस्थान लाङ्टाङमा पहिलो पटक एकै चोटी सातवटा गीतको भिडियो छायांकन गर्नुभएका भट्टले हालै मुस्ताङको सुन्दर स्थानहरूको दृश्यकैद गर्दै १२ दिनमा १२ वटा भिडियो खिच्नुभएको छ । जसमा नौवटा नेपाली छन् भने तीनवटा हिन्दी गीतको भिडियो छायांकन गरिएको छ । विगतका दिनहरूमा वर्षको ५० को हाराहारीमा भिडियो निर्देशन गर्दै आउनुभएका भट्टले ०८० सालमा एक सयभन्दा बढी भिडियो निर्देशन तथा कोरियोग्राफी गरेको दाबी गर्नुहुन्छ । गीतको शब्द अनुसारको पात्र र दृश्यलाई कुन रूपमा भिडियोमा उतार्ने भन्ने कुरा निर्देशकमा भरपर्ने बताउनुहुने निर्देशक केशवराज भट्टसँग हिमालय टाइम्सका लागि गीता अधिकारीले गर्नुभएको संवादको संक्षिप्त अशंः-
० दिनचर्या कसरी बितिरहेको छ ?
प्राकृतिक रूपले अति नै सुन्दर मनाङ जिल्लाको विभिन्न स्थानमा १० वटा भिडियो छायांकन गरेर फर्केलगतै मुस्ताङ पुगेर १२ वटा भिडियो छायांकन सक्काएर फर्केका छौं । त्यसैको सम्पादनलगायतका कार्यमा रहेको छु ।
गीतले भूगोल, सामाजिक परिवेश, जनजीवन, मायाप्रेम, सुखदुःखका कथा बोकेको हुन्छ । गीतको शब्द अनुसारको पात्र र दृश्यलाई कुन रूपमा भिडियोमा उतार्ने भन्ने कुरा निर्देशकमा भरपर्छ । तीन-चार मिनेटको भिडियोमा एउटा सिंगो कथा र त्यसको निष्कर्ष अथवा परिणाम देखाउनु कठिन कार्य हो । अहिलेका भिडियो प्रायः कथानक नै हुन्छ ।
० मुस्ताङमा छायांकन भएका गीतहरूको बोल सम्झना छ त ?
किन नहुनु, याद छ । ‘केही हुन दिन्न, केही यस्तो लेखुँ, मेरो कोही त छ, मखमली, हिउँ रोकिनुपर्छ, आँधी आएर, म त हेको हेरै भए, एउटै चाहना, तिमी भन्छौं, आकाशको चरी, चञ्चल चञ्चल’ जस्ता रहेका छन् जसमा लोकप्रिय गायक, गायिकाले गाउनु भएको छ ।
० दुर्गम स्थानमा पुगेर छायांकन गर्नुको कारण ?
सुगम स्थानमा त जसले पनि गर्छन् । दुर्गम ठाउँमा पुगेर भिडियो खिच्नुको मज्जा बेग्लै छ । पछिल्लो समय मैले मनाङ, मुस्ताङ र रसुवाको उपल्लो भेगमा भिडियो छायांकन गर्नुको उद्देश्य त्यहाँको सौन्दर्य कैद गर्नुमात्र थिएन म्युजिक भिडियोमार्फत हाम्रो देशको प्राकृतिक सौन्दर्यतालाई विश्व सामु पुर्याएर पर्यटन प्रबद्र्धनमा टेवा पुर्याउनु पनि हो । मनाङ, मुस्ताङ त आफैंमा संसारभर परिचित छ नै रसुवाको दुर्गमस्थान लाङ्टाङ त्यसमा पनि झण्डै ४२ हजार मिटर उचाइमा रहेको क्याञ्जिङरिसम्म पुगेर भिडियो खिच्नु भनेको सानो कुरा होइन । हाम्रो टिमभन्दा पहिले त्यस स्थानमा कसैले म्युजिक भिडियो छायांकन गर्नुभएको रहेनछ । जब हामी आफ्नो काम सकेर फर्कने समयमा त्यहाँको स्थानीय प्रतिनिधि, जनताहरूले खादा ओडाए फेरि-फेरि आएर यसैगरी हाम्रो ठाउँको प्रचारप्रसार गरिदिन अनुरोध गर्दै खुशीका साथ बिदाइ गर्नु भएको थियो ।
० भिडियो सफल हुन निर्देशको भूमिका कस्तो हुन्छ ?
एउटा भिडियो सफल हुनका लागि गीतकार, संगीतकार, गायक र गायिकाको जति भूमिका रहन्छ भिडियोतर्फ निर्देशकको त्यतिकै महत्वपूर्ण भूमिका रहन्छ । यो सामूहिक काम हो । युनिटमा सबैले राम्रोसँग जिम्मेवारी निर्वाह गर्दामात्र एउटा राम्रो चिज श्रोता र दर्शकमाझ आउँछ । गीतको मर्म अनुसार त्यसलाई पर्दामा उतार्न सक्ने क्षमता भने निर्देशकमा हुनुपर्छ । भनाइको तात्पर्य गीतको भावनुसार भिडियो बन्नुपर्छ भन्ने मेरो मान्यता हो ।
० यो पेशामा कतिको सहजता छ ?
निर्देशकसँग सम्बन्धी विषयमा राम्रै ज्ञान तथा अनुभव हुनुपर्छ । एक्सन कटमात्र निर्देशन होइन । निर्देशन भनेको टिम क्याप्टेन हो । एउटा राम्रो प्रस्तुति दर्शक, श्रोतासम्म आइपुग्नका लागि सम्पूर्ण युनिटको उतिकै मिहिनेत जरुरी हुन्छ । निर्देशक भएपछि उसले सबै कुरालाई ध्यान दिनु जरुरी हुन्छ । जस्तै पात्र चयन, लोकेशन आदि इत्यादि ।
० आर्थिक रूपले सन्तुष्ट हुनुहुन्छ ?
मेरो निर्देशकीय पेशाबाहेक अरू कुनै व्यवसाय छैन । चलेकालाई राम्रै छ नचलेकालाई गाह्रो छ होला । मेरो कुरा गर्नुपर्दा नेपाली गीतसंगीतको क्षेत्रबाट जीविकोपार्जन गर्नुका साथै राम्रै गरिरहेको छु ।
० भिडियोमा कथाको माग कत्तिको हुन्छ ?
गीतले भूगोल, सामाजिक परिवेश, जनजीवन, मायाप्रेम, सुखदुःखका कथा बोकेको हुन्छ । गीतको शब्द अनुसारको पात्र र दृश्यलाई कुन रूपमा भिडियोमा उतार्ने भन्ने कुरा निर्देशकमा भरपर्छ । तीन-चार मिनेटको भिडियोमा एउटा सिंगो कथा र त्यसको निष्कर्ष अथवा परिणाम देखाउनु पनि कठिन कार्य हो । अहिलेका भिडियो प्रायः कथानक नै हुन्छ ।
० यहाँले यो क्षेत्रमा पुर्याएको योगदानको कदर गर्दै विभिन्न मानसम्मान र अवार्ड पनि प्राप्त गरिरहनुभएको देखिन्छ नि ?
यहाँले भनेजस्तै काम गर्दै जाँदा विभिन्न मानसम्मान, पुरस्कार र अवार्ड प्राप्त भएका छन् । केहीको नाम लिनुपर्दा निम्स अवार्ड, स्पर्श म्युजिक अवार्ड, नेशनल क्यापिटल अवार्ड र ट्यालेन्ट हन्ट म्युजिक भिडियो निर्देशक सम्मान, मिलाप म्युजिक भिडियो निर्देशक सम्मानलगायत दर्जन बढी छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच