![गीतकार अधिकारी बुझ मायालु, यस्तै रहेछ भाग्य र यसपालिको तिज सार्वजनिक](https://ehimalayatimes.com/wp-content/uploads/2024/07/adhikari-tij-geet.jpg)
हुम्ला । प्रधानमन्त्री कृषि आधुनिकीकरण परियोजना, परियोजना कार्यान्वयन इकाइ हुम्लाले आर्थिक वर्ष २०७६।०७७ देखि आर्थिक वर्ष २०८०।०८१ को आफ्नो सार्वजनिक सुनुवाई सम्पन्न गरेको छ ।
परियोजना कार्यान्वयन इकाइ हुम्लाले जिल्लामा स्थापना भएदेखि पहिलो पटक आफ्नो सार्वजनिक सुनुवाई गरेको हो ।
सरदुमकाम सिमकोटमा रहेका अन्य कार्यालयले आफ्नो सार्वजनिक सुनुवाई गर्न नसकिरहेको समयमा परियोजना कार्यान्वयन इकाइ हुम्लाले गरेको हो । परियोजना कार्यानवयन इकाइ कार्यालय हुम्लाले स्थापना भएको २०७६।०७७ देखिका गतिविधि शुक्रबार सार्वजनिक सुनुवाइमा समेटिएको थियो । यो कार्यालयको कार्यक्रम सिमकोट गाउँपालिकाको वडा नम्बर तीन र चारमा मात्रै लागु भएको थियो ।
अहिले यो कार्यालयको कार्यक्रम जिल्लाको तीनवटा गाउँपालिकामा लागु भएको सोही कार्यालयका प्रमुख राम दरेश रायले बताउनुभयो । जिल्लाको सिमकोट, नाम्खा र सर्केगाड गाउँपालिकाका अधिकांश वडामा लागु भएको कार्यालय प्रमुख रायले बताउनुभयो । सिमकोटको वडा एकदेखि सातसम्म यो कार्यालयको कार्यक्रम लागु भएको हो । यो कार्यालयले स्याउ, ओखर, भेडाबाख्राका क्षेत्रमा काम गर्दै आएको रायले बताउनुभयो । यस्तै रैथाने बालीमा आलुको क्षेत्रमा काम गर्दै आएको छ । हुम्लाको विकासको बाधक बाटो भएको उहाँले बताउनुभयो । बजारीकरणका लागि मुख्य बाटो नहुँदा आर्थिक उन्नती हुन नसकेको उहाँले बताउनुभयो । परियोजनाले किसानले पेश गरेको प्रस्तावनाका आधारमा अनुदान दिँदै आएको छ ।
२०७६।०७७ मा संघीय सरकारको यो कार्यालयमा कुल बजेट एक करोड ६७ लाख ४१ हजार आएकोमा ९५ लाख नौ हजार खर्च भएको थियो । जसको ५८.२० प्रतिशत खर्च भएको थियो । यस्तै २०७७।०७८ को आर्थिक वर्षमा दुई करोड दुई लाख २८ हजार रुपैया आएकोमा एक करोड ७६ लाख दुई हजार खर्च कार्यालयले गरेको थियो । ८६.९३ प्रतिशत प्रगती भएको हो । २०७८।०७९ मा दुई करोड ६९ लाख २९ हजार प्राप्त भएको बजेटमा दुई करोड २६ लाख ६ हजार खर्च भएको थियो । जसको ८४.१५ प्रतिशत हुन आउँछ । यस्तै आर्थिक वर्ष २०७९।०८० मा संघिय सरकारबाट प्राप्त भएको तीन करोड ३१ लाख ५२ हजार प्राप्त बजेटमा दुई करोड ७३ लाख खर्च भएको कार्यालय प्रमुख रायले बताउनुभयो । जसको प्रतिशत ८३.४५ प्रतिशत हुन आउँछ । यो आर्थिक वर्ष २०८०।०८१ मा कर्मचारीदेखि कार्यक्रमका लागि आएको कुल तीन करोड ३१ लख २३ हजार बजेटमा दुई करोडा ९८ लाख ३६ हजार खर्च भएको कार्यालयका प्रमुख रायले बताउनुभयो । ९३.८३ प्रतिशत प्रगती हुन आएको उहाँले बताउनुभयो ।
जिल्लामा यो कार्यालय स्थापना भएदेखि कुल १२ करोड, ७९ लाख, ६३ हजार रुपैयाँ संघिय सरकारबाट उक्त बजेट प्राप्त भएको थियो । भने दश करोड ६९ लाख ९६ हजार खर्च भएको जानकारी प्राप्त भएको छ । यो सबै आर्थिक वर्षको प्रतिशतमा ६७.१६ प्रतिशत खर्च हुन आएको कार्यालयका प्रमुख रायले बताउनुभयो । परियोजनाले चक्लाबन्दीमा खेती गर्न सुरुआत गराउँदै आएको छ ।
शुक्रबार भएको कार्यक्रममा सिमकोट गाउँपालिका अध्यक्ष विजय भण्डारी (प्रतिरोध), प्रमुख जिल्ला अधिकारी विनोद कुमार पोखरेल, जिल्ला समनवय समितिका कार्यवाहक अध्यक्ष प्रमुख सरीता रावत, हुम्ला उद्योग बाणिज्य संघका अध्यक्ष राम बहादुर भण्डारी, जिल्ला प्रहरी कार्यालयका प्रहरी निरीक्षक नरेन्द्र चन्द, शसस्त्र प्रहरी बल ४४ नम्बर गुल्म हुम्लाका प्रमुख गुञ्जन प्रताप मल्ल लगायत सञ्चारकर्मी अन्य सरोकारवाला निकायको उपस्थित रहेको बताइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच