भोजपुर । इच्छा शक्ति भएमा उमेरले पनि नरोक्ने उदाहरण बन्नु भएको छ, भोजपुर नगरपालिका वडा नम्वर ११, आम्तेकका धनबहादुर राई । उमेरले ७९ बर्ष पुग्नु भएका राई बाँसको सिन्का बनाएर भोजपुर बजारसम्म बिक्रीका लागि ल्याउने गर्नुहुन्छ ।
धनबहादुर मात्र होइन उहाँका दाई रणबहादुरले पनि पहिला बाँसबाट सिन्का बनाएर बिक्री गर्दैआई रहनु भएको थियो । धनबहादुरले भन्नुभयो, “बिगतमा १० देखि २० रुपैया मुठाका दरले सिन्का बेच्ने गरेको थिए, अहिले भने एक सय २० रुपैयासम्ममा बिक्री गर्दे आईरहेको छु ।” सिन्का बनाउन धेरै समय र मेहनत लाग्ने गरेको राईले बताउनुभयो । 'असी बर्ष पुग्न लाग्दा पनि पुरानो पेशा गरि रहेको छु, बजारमा ल्याएको सिन्का सवैले किन्ने गरेका छन । धैरेले त तराई तिर लान पनि ल्याई दिनु है बाजे पनि भन्छन',राईले भन्नुभयो ।
आफ्नै घर नजिकै बाँसको झ्याङ रहेको र अरुकोबाट किन्नु नपर्ने भएकाले पनि आफुहरु सानै देखि नै यो पेशामा लागेको धनबहादुर सुनाउनुहुन्छ । “अहिले त खाली युवाहरु बिदेश जान तम्सिन्छन तर, जोश जाँगर भए त गाउँ घरमै पनि त्यतिकै त बस्नु पर्देन ।” राई भन्नुहुन्छ ।
घरबाट १६ मुठा सिन्का लिएर बिक्रीका लागि सदरमुकाम आउनु भएका राईले केही समयमा नै ति सिन्का बिक्री गरि सकेको बताउनुभयो । उहाँले ती सिन्का बिक्रीबाट पन्ध्र सय माथि कमाएको बताउनुभयो । सिन्का बिक्रीबाट राईले घरका लागि नुन, तेल किन्न सहजता भएको बताउनुभयो । यस्तो काममा अहिलेकाहरुले चासो नदेखाउँदा अवका दिनमा सिन्का पाउन पनि मुसकिल हुने राईको भनाई छ ।
राई भन्नुहुन्छ, “अहिलेसम्म त भनेकाहरुलाई मैले सिन्का ल्याई दिएको छु, अव मैले छोडेपछि समस्या हुन्छ, त्यस पछि धार्मिक कार्यहरुमा प्रयोग हुने दुना टपरी कसरी बनाउने ।”
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच