काठमाडाैं । हाल सलमान खानका ६ फिल्म पाइपलाइनमा छन् । यी ६ वटा फिल्म सन् २०२७ सम्ममा एक-एक गरेर हलमा रिलिज हुनेछन् ।
सलमान खानका फ्यानहरु उनको फिल्मको रिलिजको प्रतिक्षामा छन् । वास्तवमा सलमान अन्तिम पटक ठूलो पर्दामा सन् २०२३ मा देखिएका थिए, जब उनको फिल्म ‘टाइगर ३’ थिएटरमा रिलिज भएको थियो ।
यस्तो अवस्थामा हामीले उनका फ्यानहरूका लागि सलमानका आगामी फिल्महरूको सूची बनाएका छौं र यसको पछिल्लो अपडेट पनि दिएका छौं।
सिकंदर
सलमान खान अहिले फिल्म ‘सिकंदर’को सुटिङमा व्यस्त छन् । एआर मुरुगादासको निर्देशनमा तयार भएको यो फिल्ममा सलमानका अलावा रश्मिका मन्डन्ना, सत्यराज र प्रतीक बब्बरको पनि अभिनय रहेको छ । यो फिल्म अर्को वर्षको इदमा रिलिज हुन सक्ने अनुमान गरिएको छ ।
बेबी जोन
‘बेबी जोन’ मा वरुण धवनको मुख्य भूमिका रहने छ । आईएमडीबी रिपोर्टका अनुसार यसमा सलमान खान र रजनीकान्तको केमियो भूमिका रहने छ । यो फिल्म २५ डिसेम्बर २०२४ मा रिलिज हुन सक्छ।
किक २
मिड डेको रिपोर्ट अनुसार सलमान खानले अर्को वर्ष ‘किक २’ मा काम सुरु गर्नेछन् । फिल्मको रिलिज मिति भने अहिले घोषणा गरिएको छैन ।
टाइगर वर्सेस पठान
बलिउड हंगामाको रिपोर्ट अनुसार पहिले शाहरुख खानको फिल्म ‘पठान २’ तयार हुनेछ र त्यसपछि ‘टाइगर भर्सेस पठान’ को सुटिङ सुरु हुनेछ । यस्तो अवस्थामा यो फिल्म सन् २०२७ सम्ममा हलमा आउने बताइएको छ ।
द बुल
यसअघि ‘द बुल’ को सुटिङ यसै वर्ष सुरु गर्ने तयारी थियो । तर, पटकथाका कारण चलचित्रको समय सार्नुपरेको थियो । इण्डिया टुडेको रिपोर्ट अनुसार सलमान खान र करण जोहरको फिल्म ‘द बुल’ को सुटिङ अर्को वर्ष सुरु हुँदैछ ।
सफर
सन्नी देओलले ‘सफर’ को सुटिङ पूरा गरिसकेका छन् । यस फिल्ममा पनि सलमान खानको केमियो छ । यो फिल्म यस वर्षको अन्त्यसम्ममा रिलिज हुन सक्ने बताइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच