धुलाबारी माविकी दिव्या फेरि झापा प्रथम

राजेन्द्र गौतम झापा, संवाददाता

२८ भाद्र २०८१, शुक्रबार २०:१९

Read Time = 2 mins

डिजिटल संस्करण

कोशी प्रदेश

प्रदेश समाचार

A A- A+

झापा । जिल्लाका १३ प्रतिस्पर्धीलाई पछि पार्दै मेचीनगर नगरपालिकाका सहभागी दिव्या राय जिल्ला स्तरीय खुला वक्तृत्वकला प्रतियोगितामा झापा प्रथम भएकी छन् ।

संविधान दिवस २०८१ को अवसरमा जिल्ला समन्वय समिति झापाले शुक्रबार भद्रपुरमा आयोजना गरेको प्रतियोगितामा उनी प्रथम भएकी हुन् । धुलाबारी मावि धुलाबारीको कक्षा १० मा अध्ययनरत रायले तीन हजार नगद र प्रमाणपत्र हात पारेको सो विद्यालयका शिक्षक शिला खवासले बताइन् ।

राय जिल्ला र पालिका स्तरमा आयोजना गरिँदै आएका अधिकांश प्रतियोगितामा अब्बल छवि बनाएकी मेधावी प्रतिस्पर्धी हुन् ।

झापा १५ मध्ये १३ पालिकाका प्रतिस्पर्धीले भाग लिएको प्रतियोगितामा शिवसताक्षी नगरपालिकाका सहभागी विद्या सिग्देल दोस्रो र अर्जुनधारा नगरपालिकाका प्रतिस्पर्धी मीरा रिजाल तेस्रो भएको शिक्षक खवासले बताइन् ।

महिला अधिकारको सन्दर्भमा नेपालको संविधान विषयक सो प्रतियोगितामा उद्धव विष्ट, कविता पाठक र कमला आचार्यले निर्नायकको भूमिका निर्वाह गरेका थिए ।

सरोकार

यो खबर पढेर तपाईलाई कस्तो महसुस भयो ?