काठमाडौं । ऊर्जा, जलस्रोत तथा सिंचाईमन्त्री दीपक खड्काले असोज ११ र १२ गतेको भारी वर्षासँगै आएको विपद्ले ऊर्जातर्फ चार अर्ब र सिंचाईतर्फ एक अर्ब ३५ करोड रुपैयाँ भन्दा बढीको क्षति भएको बताउनुभएको छ ।
शुक्रवार प्रतिनिधि सभा अन्तर्गतको पूर्वाधार विकास समितिको बैठकमा बोल्दै मन्त्री खड्काले मन्त्रालय अन्तर्गतका २१ वटा आयोजनाहरुमा क्षति पुगेको बताउनुभएको हो । उहाँले ऊर्जा तर्फ चार अर्ब रुपैयाँ भन्दा बढी क्षति भएको प्रारम्भिक अनुमान गरिएको बताउनु भयो । त्यस्तै सिंचाईतर्फ एक अर्ब ३५ करोड रुपैयाँभन्दा माथि क्षति भएको अनुमान रहेको उहाँले जानकारी दिनुभयो । क्षति अझै बढ्ने उहाँको भनाई छ । मन्त्री खड्काले विपद्बाट १ हजार १०० मेघावाट विद्युत अवरुद्ध भएको र मर्मतको प्रयास भइरहेको बताउनु भयो । उहाँले लोडसेडिङ हुन नदिन काम गरिरहेको पनि बताउनु भयो ।
उहाँले भन्नुभयो – ‘२१ वटा आयोजनाहरुमा क्षति पुग्यो । सिंचाईतर्फ झन्डै एक अर्ब ३५ करोडको क्षति भयो भन्ने अनुमानित फिगर आएको छ । दिनैपिच्छे यो बढ्ने क्रम जारी छ । बिगतलाई हे¥यो भने क्षतिका हिसावले कम नै हो । ऊर्जा तर्फ चार अर्ब बढीकै क्षति भएको अनुमान गरेका छौँ । क्षति हुनु एउटा विषय भयो । तत्कालै हामीले ११०० मेघावाटको विद्युत अवरुद्ध हुँदापनि विद्युतलाई अवरोध नहोस्, अध्याँरोमा बस्नु नपरोस् भनेर रातदिन काम गरिराखेको अवस्था छ । लोडसेडिङ नहोस् भनेर ।’
नेपाल विद्युत प्राधिकरणका प्रवन्ध निर्देशक कुलमान घिसिङले सडक सञ्जाल टुटेका कारण विद्युत अवरोध भएको स्थानहरुमा मर्मतसम्भार गर्न गाह्रो भएको बताउनु भयो । यद्यपी विद्युत चाँडै पु-याउनेगरी काम गरिरहेको उहाँको भनाई छ । उहाँले दशैँ अगाडी नै विद्युत सेवा पु¥याउनेगरी काम गरिरहेको बताउनु भयो ।
उहाँले भन्नुभयो – ‘विकट ठाउँहरुमा पनि दशैँ अगाडी कसरी पुनःस्थापना गर्न सकिन्छ भनेर काम गरिरहेका छौँ । हामीसँग ट्रान्सफर्मर स्टोर नभएको भए हालत अर्कै हुन्थ्यो । सामान हामीसँग धेरै छैन । विपद्का बेलामा चाहिने सामान पनि हामीसँग छैन । सामान भएको कारणले चाँडै पुनःस्थापना गर्नसक्छौँ । मुख्य समस्या बाटोको मात्रै हो । पोल बोकेर दश किलोमिटर लान नसकिने । बाटो नहुने कारणले बिकट ठाउँमा अफ्ठ्यारो छ । तर हामी चाँडै खुलाउन लागिरहेका छौँ ।’
उहाँले कुलेखानी बाँधले निम्त्याएको क्षतिको सम्बन्धमा विवरण संकलन गरिरहेको भन्दै क्षतिको यकिन गरेर आवश्यक कदम चाल्नका लागि विभागिय मन्त्रीसँग छलफल गर्ने बताउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच