गुल्मी । गुल्मीको तम्घासमा भएको राष्ट्रियस्तरको स्क्राबल प्रतियोगिताको उपाधि चितवनका अर्नव पाण्डेले जित्नुभएको छ । दुई दिनसम्म सञ्चालन भएको दशौँ राष्ट्रिय स्क्राबल प्रतियोगिताको उपाधि उहाँले जित्नुभएको हो ।
यस जिल्लाको सिद्धबाबा माध्यमिक विद्यालयद्वारा आयोजित दशौँ राष्ट्रिय स्क्राबल प्रतियोगिता १६औँ चरणसम्म भएको स्क्राबल क्लब गुल्मीका संयोजक डोरविक्रम श्रीसले जानकारी दिनुभयो । प्रतियोगितामा दोस्रो नवलपरासीका विनिता बर्मा, तेस्रो मकवानपुरका प्रसिद्ध तिमल्सिना, चौथो कास्कीका दिपेन्द्र गुरुङ र पाँचौँ चितवनका निराजन पौडेल हुनुभयो ।
पहिलो, दोस्रो, तेस्रो, चौथो र पाँचौँ हुनेलाई क्रमश : दश हजार, आठ हजार, छ हजार, चार हजार र दुई हजार रुपैयाँ नगद पुरस्कारसहित कप र प्रमाणपत्र प्रदान गरिएको छ । यस जिल्लामा सामुदायिक विद्यालयले पहिलो पटक आयोजना गरेको राष्ट्रियस्तरको स्क्राबल प्रतियोगिता हो ।
स्क्राबलले शिक्षक र विद्यार्थीको चिन्तन क्षमता अभिवृद्धि गराउन मद्दत पुग्ने आयोजक विद्यालयका प्रधानाध्यापकसमेत रहनुभएका संयोजक श्रीसले बताउनुभयो । प्रतियोगितामा काठमाडौं, भक्तपुर, ललितपुरलगायतका विभिन्न जिल्लाबाट निर्धारित कोटाका आधारमा एक सयभन्दा बढी प्रतियोगी विद्यार्थीहरूले प्रतिस्पर्धा गरेका थिए ।
उत्कृष्ट पाँचजनासहित २५ जनालाई आगामी अन्तर्राष्ट्रिय स्क्राबल प्रतियोगितामा सहभागी गराउनका लागि छनोटसमेत गरिएको स्क्राबल क्लबका अध्यक्ष केशवप्रसाद पराजुलीले बताउनुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच