कविता : हर्षको दर्पण

हिमालय टाइम्स

Monday December 16, 2024

Read Time = 2 mins

सिफारिस

‘नृत्य तथा नाट्य अध्ययन’ लोकार्पण

प्रिन्ट संस्करण

साहित्य/कला

A A- A+

✍️ रामचन्द्र घिमिरे

स्रष्टा अर्जुन भट्टका कृतिहरू सञ्चार लोकार्पण
जे जो आज भए प्रकाशित सबै हो हर्षको दर्पण
निम्तो मान्नुभएर आउनुहुने सम्मान्य स्रोता प्रति
अर्पी दिन्छु म साधुवाद जनमा संस्था-स्वयम् सम्प्रति ।।

दोस्रो जीवनको चुरो क्षितिजमा खोजी अविच्छिन्नता
ढुक्छन् ज्ञान र कल्पनासित मिली स्रष्टा रहेका यता
एकैसाथ छ चारथोक रचना आश्चर्यको ठाउँ छ
राम्रो हार्दिकता हुँदा सिर्जनले सद्भावना पाउँछ ।।

पेशा डाक्टरले सुभाषित कथा आख्यान लेखेपछि
श्रीलीला युवराज ठाकुर कला के-के छ देखेपछि
आ–आफ्ना सुरबाट रम्य विधिले व्याख्यान चर्चा भयो
बाँकी जे जति हो समीक्षक सुधी भन्दा हुने देखियो ।।

गोपी मुख्य विशिष्ट भक्त हरि छन् सञ्चालिका भैरवी
आएका हर एक छन् सुरसिला साहित्यसेवी रवि
आफ्ना काम मिलाउँदै जन जुटे भो भव्य कार्यक्रम
हामी धन्य भयौँ भनेर दिइयो स्वीकार गर्नूस् नमः ।।

थाली एक सुभावका पद बुनेँ सम्मान जानेजति
खाली बन्नु हुँदैन पुष्प पद यी बोक्नूस् न धानेजति
फाली दुःख चिनेर हे सहज हो ! आधार अर्पिन्छु म
ताली लायक पाहुना जन भनी आभार अर्पिन्छु म ।।

लोकार्पण

कविता

साहित्य

यो खबर पढेर तपाईलाई कस्तो महसुस भयो ?