काठमाडौं । बुद्ध जन्मस्थल लुम्बिनीमा एकैपटक पाँच सयजनालाई सामूहिकरूपमा अल्पकालीन भिक्षु (श्रमणेर) बनाइने भएको छ । आगामी फागुन २० गते लुम्बिनीमा श्रमणेर बनाइने प्रबज्या हुन लागेको हो । बुधबार ललितपुरस्थित अक्षेश्वर महाविहारमा आयोजित पत्रकार सम्मेलनमा जानकारी दिइएअनुसार कुनै पनि उमेरका स्वस्थ पुरुषहरूलाई श्रमणेर बनाइनेछ । श्रमणेर भएकाहरूले बुद्ध शिक्षा, शिल र चिबरका साथ भिक्षु जीवन धारण गर्नेछन् । कुनै पनि व्यक्ति सहभागी हुन पाउने सो कुलपुत्र प्रबज्यामा सहभागी हुन कुनै पनि शुल्क तिर्नुुनपर्ने जानकारी दिइएको छ ।
प्रारम्भिकरूपमा अल्पकालीन भिक्षु बनेकाहरू दुई हप्तापछि घर गृहस्थीमा फर्किन सक्ने पत्रकार सम्मेलनमा जानकारी दिइएको थियो । ‘यो अल्पकालीन प्रबज्या हो,’ लुम्बिनी विकास कोषका पूर्वउपाध्यक्ष भिक्षु निग्रोदले भन्नुभयो, ‘प्रबज्या लिएपछि कतिपय भिक्षु नै हुन्छन् । कतिपय फेरि गृहस्थी जीवनमै फर्कन्छन् ।’ बुद्ध जन्मभूमि नेपालमा सन् २०११ देखि अखिल नेपाल मिश्र महासंघ र थाई इण्डिया-नेपाल धर्मदूतसँगको सहकार्यमा वार्षिकरूपमा कुलपुत्र प्रबज्या कार्यक्रममार्फत् बुद्ध शिक्षा जनमानसमा फैलाई सभ्य समाज निर्माणको उद्देश्यले कार्यक्रम आयोजना गर्दै आइरहेको छ ।
प्रबज्या कार्यक्रममा थाइल्याण्डलगायत अन्य विभिन्न राष्ट्रहरूबाट प्रतिनिधि सहभागी हुनेछन् । यसले गर्दा बौद्ध पर्यटकहरूको संख्या वृद्धि भई पर्यटन व्यवसायमा टेवा पुग्ने अपेक्षा गरिएको छ । कार्यक्रमको व्यवस्थापन प्रबज्या सामाजिक नेपालले गर्नेछ भने सहआयोजकका रूपमा थाई राजकीय विहार, लुम्बिनी विकास कोष, नेपाल पर्यटन बोर्ड, ललितपुर महानगरपालिका, धर्मोदय सभा, बौद्ध विहार संघ, अक्षेश्वर महाविहार, हिरण्यवर्ण महाविहार, धम्मसाकच्छा संघ, नेपाल मगर बौद्ध सेवा समाज, युवक बौद्ध नेपाल, बुद्ध समाज नेपाल, लुम्बिनी बौद्ध विश्वविद्यालय, नागवहाल टोल सुधार समिति, प्रोमिस ल्याण्डलगायतको रहनेछ ।
प्रवजितहरूले बुद्ध शिक्षाका आधारभूत शिक्षा थाहा पाउनेछन् । विभिन्न धर्मगुरुहरूमार्फत् गहन ध्यान अभ्यास गर्नेछन् । बुद्धकालीन समयमा भगवान् बुद्ध शुद्धोदन महाराजको निमन्त्रणामा बुद्ध भइसकेपछि प्रथम पटक कपिलवस्तु आगमन २० हजार भिक्षुहरूसहित आए जस्तै धम्मयात्राको अनुभव पनि गर्नेछन् । सन् २०११ मा एक हजारजना, २०१५ मा एक हजार ११२ जना, सन् २०१९ मा एक हजार ११९ जना र सन् २०२३ मा पाँच सयजनालाई प्रबज्या गराइएको आयोजक समितिका राजेश शाक्यले जानकारी दिनुभयो ।
यो खबर पढेर तपाईलाई कस्तो महसुस भयो ?
1
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच