साउदी अरब । अल-नासर साउदी प्रो लिगको तेस्रो स्थानमा उक्लन सफल भएको छ । साउदी अरेबियाको बुरैदास्थित किङ्स अब्दुल्लाह स्पोट्र्स सिटी स्टेडियममा भएको खेलमा क्रिस्टियानो रोनाल्डोको उत्कृष्ट प्रदर्शनसँगै अल-नासरले अल-रायदलाई २-१ ले पराजित गरेको हो । महत्वपूर्ण जितसँगै अल-नासरको उपाधि होडलाई थप बलियो बनाएको छ । खेलको प्रारम्भिक अवस्थाबाटै दुवै टोली फरक परिस्थितिमा मैदानमा उत्रिएका थिए ।
रोनाल्डोले ३५औं मिनेटमा अल-नासरलाई सुरुआती अग्रता दिलाउनुभयो । मर्सेलो ब्रोजोभिचको उत्कृष्ट पासलाई सदुपयोग गर्दै उहाँले गोलरक्षकलाई बिट गर्दै सहज गोल गर्नुभएको थियो । दोस्रो हाफ सुरु भएको दुई मिनेटमै अल-नासरले आफ्नो अग्रता दोब्बर बनाएको थियो । रोनाल्डोको क्रसमा नुवाफ बाउशलले गोल गर्नुभयो ।
अल–रायदले दुई गोलको अन्तर घटाउन प्रयास गरे पनि जित्न भने सकेन । अन्ततः ७६औं मिनेटमा अमिर सायोदले अल-नासरको डिफेन्सको त्रुटिलाई सदुपयोग गर्दै गोल गर्नुभयो । तर, खेलको परिणाम बदल्न पर्याप्त भएन । जितसँगै ३८ अंक जोडेको अल-नासर तेस्रो स्थानमा उक्लिएको छ, जसले अल-हिलाल र अल-इत्तिहादसँगको दूरी घटाएको छ । अल-रायद लिगको पुछारतिर दबाबमा छ । हाल १५औं स्थानमा १४ अंकसहित संघर्ष गरिरहेको छ ।
रोनान्डोले क्लब फुटबलमा अर्को रेकर्ड कायम गर्नुभएको छ । आफ्नो क्लब फुटबल करिअरमा पोर्चुगिज स्टारले सात सय जितको कीर्तिमान बनाउन सफल हुनुभएको हो । उहाँले स्पोर्टिङबाट ३३ खेल, रियल म्याड्रीडबाट ३१६, म्यान्चेस्टर युनाइटेडबाट २१४ खेल, युभेन्टसबाट ९१ खेल र अल–नासारबाट ६६ खेलमा जित निकाल्नुभएको छ । आफ्नो फुटबल करिअरमा ९०० गोल गर्ने पनि उहाँ पहिलो खेलाडी बन्नुभएको छ । अन्तर्राष्ट्रिय खेल पत्रिका मार्काको अनुसार रोनाल्डोको यो अविश्वसनीय यात्रा अझै जारी छ । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच