पेरिस । पेरिस सेन्ट जर्मेन (पिएसजी)ले फ्रेन्च कपको क्वाटरफाइनलमा स्थान सुरक्षित गरेको छ । पिएसजीले मंगलबार राती तेस्रो श्रेणीको टोली मेन्सलाई २-० ले पराजित गर्दै फ्रेन्च कपको क्वाटरफाइनलमा स्थान सुरक्षित गरेको हो । टोलीलाई जिताउन पहिलो हाफमा डिजायर डुए र दोस्रो हाफमा ब्राड्ली बारकोलाले गोल गर्नुभयो ।
खेलको सुरुवातमै घरेलु टोली मेन्सले पिएसजीलाई चुनौती दिन खोजेको थियो । २५औँ मिनेटमा मेन्सका डिफेन्सको गल्तीका कारण पिएसजीले अग्रता लियो । ६८औँ मिनेटमा डुएको स्थानमा मैदान प्रवेश गर्नुभएका बारकोलाले मैदान छिरेको तीन मिनेटमै गोल गर्नुभयो ।
खेलपछि पिएसजीका प्रशिक्षक लुइस एनरिकेले भन्नुभयो, ‘यो फ्रेन्च कपको विशिष्ट खेल थियो । खतरनाक र अनिश्चित । धेरै कुराहरू नियन्त्रण गर्न सकिँदैन । तर, मैले सोच्छु कि हामीले राम्रो प्रदर्शन गर्यौं । ‘हामी क्वाटरफाइनलमा छौं, खेलाडीहरूलाई केही मिनेट र विश्राम दिन सफल भयौं । त्यसैले हामी खुसी हुनुपर्छ ।’ अब पिएसजीले शुक्रबार लिग वानको शीर्ष स्थानको भिडन्तमा तेस्रो स्थानको मोनाकोलाई आतिथ्यता दिनेछ । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच