दाङ । नेपाल प्रहरीले लुम्बिनी प्रदेशमा अपराध अनुसन्धानको समीक्षा गरेको छ । लुम्बिनी प्रदेशका छ जिल्लाहरू भारतसँग सीमाना जोडिएको र खुला सीमा भएकाले अनुसन्धानमा चुनौती थपिएको प्रहरीको निष्कर्ष छ । नेपाल प्रहरी प्रधान कार्यालय अपराध अनुसन्धान विभाग एवं लुम्बिनी प्रदेश प्रहरी कार्यालयले संयुक्त रूपमा प्रदेशस्तरीय अपराध अनुसन्धानको समीक्षामा नवीन प्रविधिहरूको अवलम्बन गरी अनुसन्धानमा देखिने समस्याको समाधानका उपायहरू अवलम्बन गर्दै अनुसन्धानकर्ताहरू बीच समन्वयमा जोड दिने निष्कर्ष अधिकारीहरूले निकालेका छन् ।
अपराध अनुसन्धानका चुनौतीहरू, अनुसन्धान प्रविधि र सुरक्षा रणनीतिबारे छलफल गर्न भएको गोष्ठीमा नेपाल प्रहरी अपराध अनुसन्धानका क्षेत्रमा अब्बल भए पनि केही घटनामा परिणाम आउन नसकेको गुनासोे पनि सुनिएको छ । तर, अधिकांश अपराध अनुसन्धानमा नेपाल प्रहरीले प्रभावकारी नतिजा ल्याएको सहभागीहरूको तर्क छ ।
लुम्बिनीमा ६ महिनामा ५७ जनाको हत्या
लुम्बिनीमा पछिल्लो ६ महिनामा ५७ जनाको हत्या भएको प्रहरीकै तथ्यांकमा छ । लुम्बिनी प्रदेश प्रहरी कार्यालयका अनुसार माघ मसान्तसम्ममा सबैभन्दा बढी रूपन्देहीमा नौ जनाको हत्या भएको छ भने दाङ र बाँकेमा सात/सात, पश्चिम नवलपरासीमा ६, प्युठान र रोल्पामा पाँच/पाँच, पाल्पा र गुल्मीमा चार/चार, रुकुम पूर्व, अर्घाखाँची र कपिलवस्तुमा तीन/तीन र बर्दियामा एक गरी ५७ जनाको हत्या भएको छ । त्यसमध्ये रूपन्देही र प्युठानमा तीन/तीन, गुल्मी र रोल्पामा दुई, रुकुम पूर्व, पाल्पा, अर्घाखाँची र दाङमा एक/एक गरी १४ जनाको एकै घरका परिवारबाटै हत्या भएको छ । ६ महिनामा लुम्बिनी प्रदेशमा मात्र कर्तव्य ज्यान, खुनडाँका, अपहरण तथा ज्यान मार्ने उद्योग, चोरीडाँका लगायतका घटनामा ७८८ वटा मुद्दा दर्ता भएका छन् । लुम्बिनी प्रदेश प्रहरी प्रमुख डिआइजी दानबहादुर कार्कीका अनुसार परिवारिक बेमेल, आर्थिक अभाव, देखासिकी, सामाजिक सञ्जालको दुरुपयोग र आपसी मनमुटावले अपराधका घटना हुने गरेको देखिएको छ । लागुपदार्थको दुव्र्यसन, सोसल मिडियामा हेरेर वा देखेर र परिवारमा सम्पत्तिका नाममा पनि आपराधिक घटना हुने गरेको देखिएको प्रहरीको भनाइ छ ।
बढ्दो अपराध
लुम्बिनी प्रदेशमा अपराध बढ्दो रहेको तथ्यांकले देखाएको छ । केही समययता सामाजिक असुरक्षा बढेकाले थप चिन्ता बढाएको छ । पारिवारिक मनमुटाव, घरेलु हिंसा, बालविवाह, कुटपिट, देखासिकी, पश्चिमा देशको प्रभाव, ‘लिभिङ टुगेदर’, व्यभिचार र सामाजिक सञ्जालले अपराध बढाएको, बढ्दो सामाजिक सञ्जाल प्रयोगले मानिसमा एक प्रकारको एन्जाइटी बढाउने, त्यसपछि निराशा उत्पन्न भएर आत्महत्या गर्ने सम्मका घटना बढ्दो रहेको प्रहरीको भनाइ छ । सामान्य बेमेल, मानसिक तनाव र आर्थिक अभाव हत्याका धेरै घटनाका कारक बन्ने गरेको पाइएको छ । पहाडी जिल्लाबाट बसाइँसराइ बढ्दो छ । गाउँका घरमा नजिक छिमेकी र आफन्त कोही नहुँदा हत्या र अपराधका घटना बढेका छन् । काम गर्नसक्ने सन्तान रोजगारीका लागि घर छाडेर बाहिर पुगेकाले पनि गाउँमा रहेका वृद्धवृद्धा असुरक्षित बन्दै गएका छन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच