काठमाडाैं । राष्ट्रिय प्रजातन्त्र पार्टीका अध्यक्ष राजेन्द्र लिङदेनले कुलमान घिसिङलाई पदमुक्त गर्ने सरकारको निर्णयले कर्मचारीहरु राजनीतिक स्वार्थको लागि राष्ट्रसेवकभन्दा सरकार र पार्टीको नोकर हुने खतरा बढेको बताउनुभएको छ ।
बिहीवार संसद भवन परिसर नयाँ बानेश्वरमा सञ्चारर्कीहरुसँग कुराकानी गर्दै अध्यक्ष लिङदेनले यस्तो बताउनुभएको हो । उहाँले आफ्नो कार्यकालको केही समय मात्र बिताउन बाँकी रहेका कुलमानलाई सम्मााजनक विदाई गर्नुपर्ने ठाउँमा उपमानजनक रुपले निस्कासन गरेर सरकारले गलत नजिर स्थापित गरेको बताउनु भयो ।
उहाँले उत्कृष्ट प्रशासकको छवि बनाएका कर्मचारीलाई हटाउँदा अगामी दिनमा समेत सरकारले स्वार्थअनुकुल कर्मचारीहरु हटाउने र राख्ने कार्य गर्ने उहाँको भनाइ छ । उहाँले कमजोर कर्मचारी प्रशासनलाई ध्वस्त पार्ने काम गरेको भन्दै सरकारले निर्णय सच्याउनुपर्ने जिकिर गर्नुभयो ।
उहाँले भन्नुभयो, ‘पहिलो कुरा त सरकारले जे निर्णय गर्यो त्यो गलत ग-यो । कति मानिसहरुले सरकारले आफ्नो कर्मचारीलाई निकाल्न पनि सक्छ, राख्न पनि सक्छ यो सामान्य प्रक्रिया हो भनेर व्याख्या गरिरहेका छन् । तर एउटा कुशल प्रशासकको रुपमा स्थापित कुलमान घिसिङ जसले आफ्नो कार्यकालको थोरै मात्र समय व्यतित गर्न बाँकी थियो । उसलाई सम्मानजनक विदाई गर्नुपर्ने ठाउँमा जुन उपमान जनक ढंगले निष्काशन गरियो । त्यसले एउटा नजिर खडा हुने खतरा भयो कि सरकारले चा्हयो भने कर्मचारीहरुलाई जसनसुकै बेला निकाल्न सक्छ । यसले कर्मचारी राष्ट्रसेवक भन्दा पनि कहिले काँही राजनीतिक स्वार्थको लागि सरकार र पार्टीको नोकरमा परिणत हुने खतरा भयो । र अरुले पनि यसलाई नजिर बनाएर पहिले पनि यसरि निकालिएको थियो निकाल्न पाइन्छ भन्ने बाटोतर्फ देश गयो भने कर्मचारी संयन्त्र कर्मचारी प्रशासन त्यसै त कमजोर भएको छ त्यो ध्वस्त हुनसक्छ ।’
अध्यक्ष लिङदेनले प्रतिपक्षी दलहरुले संसदमा प्रधानमन्त्रीले चित्तबुझ्दो जवाफ मागिरहेको र जवाफ नदिएसम्म संसद चल्न नदिने अडान कायमै रहेको बताउनु भयो । उहाँले प्रधानमन्त्रीले सदनमा जवाफ दिनुको सट्टा संसद बाहिर प्रतिपक्षी दलहरुलाई अपमानित गर्नेगरी दिएको जवाफ खेदजनक रहेको समेत बताउनु भयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच