बारा । बिगत लामो समयदेखि बन्द रहेको बाराको मटिअर्वा र सिम्रौनगढ भन्सार संचालनमा आएको छ । तीन चार वर्ष देखि बन्द रहेको छोटी भन्सार कार्यालयहरु संचालनमा आएपछि सर्वसाधारणहरुलाई मालसमानहरु ओसार पसार गर्न सजिलो भएको मटिअर्वा छोटी भन्सार कार्यालयले जनाएको छ ।
फागुन १ गतेदेखि संचालनमा आएको मटिअर्वा भन्सारले १ दिनमा १३ हजार भन्दा बढी राजश्व संकलन गरेको मटिअर्वा भन्सार कार्यालयका प्रमुख बलबहादुर श्रेष्ठले बताउनुभयो ।
वीरगंज भन्सारले २५ हजारसम्मको सरसमानहरुको भंसार काटन आदेश दिएको उहाँले बताउनुभयो । फागुन १ गते देखि ४ गते सम्म २६ हजार ४ सय २३ रुपैयाँ राजश्व संकलन भएको उहाँले जानकारी दिनुभयो ।
यसै गरि सिम्रौनग भन्सारबाट पाँच हजारसम्मको भन्सार काटने गरिएको छोटी भन्सार कार्यालय सिम्रौनगढका प्रमुख जगत गुरुङ्गले बताउनुभयो । फागुन १ गते देखि संचालनमा आएको छोटी भन्सार सिम्रौनगढबाट ४ गतेसम्म ११ हजार राजश्व संकलन भएको उहाँले जानकारी दिनुभयो ।
बारा जिल्लाको पश्चिममा पर्सा र पूर्वमा रौतहट जिल्ला पर्दछ । रौतहट र पर्सा जिल्लामा भन्सार कार्यालयहरु रहेका छन् । तर बारा जिल्लामा दुई वटा मात्र छोटी भन्सार कार्यालय रहेको छ । जसले गर्दा सवारी साधनहरु आवत जावत गर्न र पर्यटक भित्रयाउन समस्या हुदै आएको सिम्रौनगढ नगरपालिकाका पूर्व नगरप्रमुख विजयशंकर यादवले बताउनुभयो ।
विश्व प्रसिद्ध गढीमाई मन्दिर, ऐतिहासिक सिम्रौनगढ दरबार, झरोखर पोखरी, रानीवास, बारागढी, लगायतका पर्यटकीय स्थल हेर्न र घुम्न आउने पर्यटकहरुलाई समस्या हुँदै आएको छ । सवारीको इन्ट्री मात्र गर्ने भएकोले उनीहरुलाई दुई चार दिन बस्न र घुम्न आउन समस्या रहदै आएको छ । बारामा रहेको छोटी भन्सार कार्यालयहरुको स्तरोन्नति नभएसम्म पर्यटकहरु भित्रयाउन नसकिने उहाँले बताउनुभयो ।
बारामा मुल भंसारको स्थापनाको लागि छलफल भइरहेको संघीय सरकारका कृषि तथा पशुपंक्षी विकास मन्त्री ज्वाला कुमारी साहले बताउनुभयो । हामी बारामा मुल भन्सार स्थापना गराउन लागि परेका छौ, उहाँले भन्नुभयो,‘अहिले कर्मचारी अभाव र अर्थ अभावको कारण केही समस्या देखिए पनि चाँडो भन्दा चाँडो बारामा मुल भन्सार स्थापना गराउन आफू निरन्तर प्रयासमा रहेको उहाँले बताउनुभयो ।’
बारा निर्वाचन क्षेत्र नम्बर ३ बाट २०७९ सालको चुनावमा उहाँ प्रतिनिधि सभासदस्यमा निर्वाचित हुनु भएको हो । आफनो जिल्लाको जनताहरुले भंसार अभावमा झेल्दै आएको पिडालाई आफूले नजिकबाट नियालेको र यसको समाधान गराउन तर्फ आफू अग्रसर रहेको उहाँले जानकारी दिनुभयो ।
बारा जिल्लामा संचालित मटिअर्वा छोटी भन्सारलाई २५ हजारसम्मको र सिम्रौनगढ छोटी भन्सार कार्यालयलाई ५ हजारसम्मको भन्सार राजश्व बुझन आदेश गरिएको वीरगंज भन्सार कार्यालयका प्रवक्ता रामचन्द्र ढकालले बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच