खोटाङ । हिमालय टाईम्स खोटाङका संवाददाता पत्रकार चिसाङ शेर्पा पुरस्कृत हुनुभएको छ ।
खोटाङ यातायात प्रालिको दशौं साधारणसभा तथा छैठौं जिल्ला अधिवेशनको अवसरमा शेर्पा पुरस्कृत हुनुभएको हो ।
शुक्रबार दिक्तेलस्थित समिक्षालय हलमा शेर्पासँगै पत्रकार सविना अछामेलाई यातायात पुरस्कार पुरस्कारबाट पुरस्कृत गरिएको प्रालिका महासचिव रामकुमार हिङमाङले जानकारी दिनुभयो। पुरस्कार राशी पाँच/पाँच हजार रहेको छ ।
पत्रकारद्धयलाई नेपाल यातायात व्यवसायी राष्ट्रिय महासंघका वरिष्ठ उपाध्यक्ष पुन्यप्रसाद सिटौला(सरोज) र खोटाङ यातायात प्रालिका अध्यक्ष टेकेन्द्र राईले दोसल्ला ओढाई सम्मान पत्र प्रदान गर्नुभएको छ ।
पत्रकार शेर्पा र अछामेले यातायात क्षेत्रमा कलम चलाएर पु-याएको योगदानको उच्च मुल्यांकन गर्दै पुरस्कृत गरिएको अध्यक्ष राईले बताउनुभयो।
२०६५ सालबाट पत्रकारितामा सक्रिय दिक्तेल रुपाकोट मझुवागढी नगरपालिका–१३ नुनथालका शेर्पा नेपाल पत्रकार महासंघ जिल्ला शाखाका सह–सचिव हुनुहुन्छ । अछामे नमस्ते खोटाङ डटकमका संवाददाता हुनु हो ।
