बालेनले आन्दोलनरत शिक्षकलाई दिए धन्यवाद !

'हामीले जरिवाना खोजेका होइनौं, चेतना खोजेको हो ।'

हिमालय टाइम्स

२० चैत्र २०८१, बुधबार २०:०६

Read Time = 2 mins

डिजिटल संस्करण

समाचार

A A- A+

काठमाडौं महानगरपालिकाका प्रमुख बालेन्द्र शाह (बालेन) ले आन्दोलनरत शिक्षकले फोहोर नगरी शान्तिपूर्ण आन्दोलन गरेको भन्दै धन्यवाद व्यक्त गर्नुभएको छ ।

बुधबार सामाजिक सञ्जालमा लेख्दै उहाँले भन्नुभएको छ, 'तपाईहरूले आफ्नो आन्दोलन फोहोर नगरि, केहि नभत्काइ गरि दिनुभयो, धन्यवाद ।

मेयर शाहले भन्नुभएको छ, ‘हामीले जरिवाना खोजेका होइनौं, चेतना खोजेको हो । कृपया, आफ्नो कुरा राख्नलाई चेतनशील भएर विद्यार्थीहरूको पढाइ नबिगारी कार्यक्रम गरिदिनुहोला । गाउँ गाउँमा सिहदरबार भन्ने त नारा मात्र भयो । आशा छ एकदिन आफ्नो अधिकारको लागि काठमाडौ धाइरहनु नपरोस् ।'

शिक्षकहरुको सडक आन्दोलनको भिडियो शेयर गर्दै उहाँले सबै मिलेर चेतनशील समाज निर्माण गर्नुपर्ने बताउँदै काठमाडौंमा प्रदर्शनका क्रममा देखिएको दृश्य आफ्ना विद्यार्थीसमक्ष पनि लागू गर्न आग्रह समेत गर्नुभएको छ ।

उहाँले विद्यार्थीको पढाइ नबिगारी कार्यक्रम गर्न पनि शिक्षकहरूलाई आग्रह गर्नुभएको छ ।

‘गाउँ गाउँमा सिंहदरबार भन्ने त नारा मात्र भयो । आशा छ एकदिन आफ्नो अधिकारको लागि काठमाडौ धाइरहनु नपरोस्,’ उहाँले लेख्नुभएको छ ।

सरोकार

यो खबर पढेर तपाईलाई कस्तो महसुस भयो ?