जुम्ला । जुम्लाको हिमा गाउँपालिकाको गाउँसभाले पालिकाको स्थायी केन्द्र बाजागाडमा तोकेको छ ।
गाउँपालिका अध्यक्ष लक्ष्मणबहादुर शाहीको अध्यक्षतामा बसेको १२औँ सभाले पालिकाको केन्द्र ५ नम्बर वडामा पर्ने बाजागाड बनाउने निर्णय गरेको हो ।
सबैको सहमतिमा पालिकाको केन्द्र बाजागाड बनाउने निर्णय भएको गाउँपालिका अध्यक्ष लक्ष्मणबहादुर शाहीले बताउनुभयो । उहाँले भन्नुभयो, ‘हामी हिमा गाउँबासीको विकास र समृद्विको आकांक्षा पूरा गर्न सबैको पाएक पर्ने ठाउँमा कार्यालय तोकेका छौँ । यसअघिका जनप्रतिनिधिले पनि कार्यालय बाजागाडमा तोक्ने निर्णय गरेका थिए । तर, पछि विवाद भएपछि निर्णय कार्यान्वन रोकिएको थियो ।’
हिमाले आर्थिक वर्ष ०७८/०७९ को बजेट, नीति तथा कार्यक्रममा शिक्षा, स्वास्थ्य, कृषि, खानेपानी, यातायात, सिँचाइ, पर्यटनजस्ता क्षेत्रहरूलाई मुख्य प्राथमिकतामा राखेको छ ।
स्थानीय नागरिकलाई आत्मनिर्भर बनाउन लघु उद्यम, रोजगारी सिर्जना तथा अन्य आर्थिक उपार्जनका कार्यक्रमलाई प्राथमिकताका साथ सञ्चालन गर्ने योजना रहेको अध्यक्ष शाहीले बताउनुभयो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच