काठमाडौं । नेपाली काँग्रेसका महामन्त्री गगनकुमार थापाले प्रधानमन्त्री पुष्पकमल दाहाल पदबाट हट्नुपर्ने डरमा रहेको बताउनुभएको छ ।
आईतवार ललितपुरको गोदावरी नगरपालिकाको ८ औं स्थापना दिवसको अवसरमा बोल्दै उहाँले यस्तो बताउनुभएको हो ।
उहाँले प्रधानमन्त्रीको कुर्सी बन्नु भन्दा पहिलादेखि नै हल्लिएको बताउनु भयो । उहाँले कतिखेर धकेलिने र लड्ने भन्ने डर प्रधानमन्त्रीमा रहेको जिकिर गर्नुभयो । उहाँले डराएको प्रधानमन्त्रीले युद्धस्तरमा काम गर्न नसक्ने बताउनु भयो ।
उहाँले नेपाली राजनीति फोहोरी खेलमा गएको दाबी गर्नुभयो । उहाँले राजनीति विकृत बनाएको कारणले गर्दा पदको लोलुप्ता देखिने गरेको बताउनु भयो ।
उहाँले भन्नुभयो, ‘हामीले नेपालमा थुप्रै आलको अनुभवहरु बटुलेका छौँ । अब यो अनुभवबाट नेपालका मुख्य दलहरुलाई नेपाली काँग्रेस, नेकपा एमाले जस्तो ठूलो राजनीतिक दलहरुलाई एउटा राम्रो पाठ यसले सिकाएको छ । हाम्रो यो चुनाव भन्दाअघि उसले उसलाई, उसले उसलाई, कहिले एउटाले अर्कोलाई बोकेको छ, कहिले कसलार्ई बोकेको छ । त्यसलाई बाहिर निकाल्नुपर्छ । हाम्रो निर्वाचन प्रणालीलाई पनि ठिक बनाउनु पर्छ । किनकी यो ठिक नहुँदै गर्दा नेपालले प्राप्त गरेको अवसर गुमाउने भयो । १४÷१५ वर्ष मात्रै हामीसँग बाँकी छ । त्यसपछि नेपाललाई बुढ्यौली लाग्छ । हामीले त वार फिटिङमा काम गर्नुपर्छ । प्रत्येक दिन, प्रत्येक रात, नेपालको प्रधानमन्त्रीले, नेपालको वडाध्यक्षले, मेयरले, प्रत्येक सांसदहरुले वारको बेलामा जस्तो काम गर्नुपर्छ । भूकम्प आयो भने, ठूलो विपद् आयो भने हामी कसरी काम गर्दछौँ, उद्धार गर्छौं, लाग्छौँ भिड्छौँ । त्यस्तो वार फुटिङमा काम गर्नुपर्नेमा हाम्रो ध्यान सरकार टिकाउन, बदल्न, गएको छ । पूरै फोहोरी खेलमा गएको छ । अब अहिले बनेको प्रधानमन्त्रीको अहिलेदेखि बन्नु भन्दा पहिलादेखि कुर्सी हल्लिएको छ । कतिखेर म यहाँबाट धकेलिने र लड्ने भन्ने डरले । त्यस्तो डराएको प्रधानमन्त्रीले वार फुटिङमा कसरी काम गर्छ ? त्यो डर हाम्रो राजनीति विकृत बनाएको कारणले हो ।’
महामन्त्री थापाले नेपालको राजनीति सफा नभए र राजनीतिलाई अहिलेको भन्दा शुद्ध नबनाएसम्म नेपालको समय खेर जाने बताउनु भयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच