झापा । झापामा अर्का एक व्यक्ति बिहीबार खोलाले बगाएर बेपत्ता भएका छन् । गौरीगञ्ज गाउँपालिका १ (साविक महाभारा ४) ढेबुबस्तीका ५० वर्षीय लखिराम मुर्मु सन्थाल सानो कमल खोलाले बगाएर बेपत्ता भएका हुन् ।
उनलाई दिउँसो ३ बजेतिर खोलाले बगाएको नेपाल रेडक्रस सोसाइटी झापाका सभापति लोकराज ढकालले जानकारी दिनुभयो ।
उनी नुहाउन खोलामा पसेका थिए । उनको खोजी भइरहेको छ । बेपत्ता लखिरामको सशस्त्र प्रहरी , नेपाल प्रहरी र स्थानीयले खोजी गरिरहेका छन् । साँझ ६ बजेसम्म उनी फेला परेका छैनन् । उनको जीवितै उद्दार हुने सम्भावना क्षीण बनेको छ ।
सामो कमल केही दक्षिण पुगेर बनियानीमा र गौरीगञ्ज २ पुगेर दुबै खोला कनकाई माईमा मिसिन्छन् । घटनास्थल नेपाल भारत सीमा क्षेत्रको दासचौरी र डाकुपाडाको संगमस्थल हो ।
हिजो साँझ सोही वडाको झोलुङ्गेटोलका १३ वर्षीय बालक मिलन विक बनियानी खोलाले बगाउँदा बेपत्ता भएका छन् । उनी पनि हालसम्म भेटिएका छैनन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच