बैतडी । बैतडीको पाटन नगरपालिकाभित्र रहेका तीनओटा स्वास्थ्य संस्थाहरुमा बेबी वार्मर मेसिन जडान गरिएको छ ।
नवजात शिशुलाई चिसोबाट बचाउनका लागि बेबी वार्मर मेसिन जडान गरिएको पाटन नगरपालिकाका स्वास्थ्य शाखा प्रमुख मदनसिंह महराले बताउनुभयो ।
राष्ट्रिय आविष्कार केन्द्रमा निर्माण गरिएका ती मेसिनहरु वीस्ट फेलोन्थ्रोपी र गीभ पावर फाउण्डेसन नामक संस्थाको सहयोगमा जडान गरिएका पाटन नगरपालिकाकी जनस्वास्थ्य निरीक्षक दमन्ती ऐरले जानकारी दिनुभयो ।
वडा नं ४ स्थित भुमेश्वर स्वास्थ्यचौकी, वडा नं ८ स्थित सिद्धेश्वर स्वासथ्यचौकी र वडा नं १० स्थित सिद्धपुर स्वास्थ्यचौकीमा मेसिन जडान गरिएका हुन् । राष्ट्रिय आविष्कार केन्द्रबाट आएका बायोटेक्निकल इन्जिनियरसहितको टीमले मेसिन जडान गरेको जनस्वास्थ्य निरीक्षक ऐरले बताउनुभयो ।
आमाको गर्भबाट बच्चा जन्मेपछि तापक्रम नमिल्दा केही बच्चाहरुमा चिसोका कारण हाइपोथर्मिया हुने भएकाले त्यस्ता बच्चाहरुलाई जोगाउनका लागि बेबीवार्मर मेसिनले सहयोग गर्ने स्वास्थ्य शाखा प्रमुख महराले बताउनुभयो । नवजात शिशुको मृत्युदर घटाउन यस्ता उपकरणहरुको महत्वपूर्ण योगदान रहने उहाँले बताउनुभयो ।
चिसोको समयमा नवजात शिशुमा हाइपोथर्मियाको समस्या देखिने र मृत्युसम्म हुने भएकाले बेबीवार्मर मेसिनले त्यस्तो मृत्यु रोक्नका लागि सहयोग पुग्ने जनस्वास्थ्य निरीक्षक ऐरको भनाई छ ।
स्वास्थ्य संस्थाहरुमा बेबीवार्मर मेसिन जडान भएपछि नवजात शिशुका लागि सहज हुने सिद्धेश्वर स्वास्थ्यचौकीका प्रमुख जयराज भट्टले बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच