काठमाडौं । असोज ११ गतेदेखि सिनेमाघरमा आउने तयारीमा रहेको चलत्रिच ‘सानो संसार’को गीत ‘मग मग फूलबारी’ सार्वजनिक गएको छ । श्रीकृष्ण जन्माष्टमीको अवसर पारेर राजधानीमा आयोजित एक कार्यक्रमबीच चलचित्रको गीत सर्वाजनिक गरिएको हो ।
राजनराज सिवाकोटीको शब्द तथा संगीत रहेको गीतमा मेलिना राई र सिवाकोटीकै स्वर छ । विवाहको सेटअपमा तयार पारिएको सार्वजनिक गीतमा चलचित्रका मुख्य कलाकार फिचर्ड छन् । शरद महतोले खिचेको सार्वजनिक गीतको भिडियोमा सुजैन खड्का र मनोज खड्काको कोरियोग्राफी छ ।
पारिवारिक कथावस्तुमा निर्माण भएको चलचित्रमा हाँस्य कलाकार केदार घिमिरे ‘माग्नेबुढा’की श्रीमती सीतादेवी तिमल्सेनाको मुख्य भूमिका छ । सिद्धार्थ पुडासैनीको निर्देशन रहेको चलचित्रमा सीताका अलवा राज पंगेनी शर्मा, अनु दाहाल, अञ्जसा रिजाल, शिशिर सिवाकोटी, सरिता भण्डारी, जीवन गौतमलगायतको अभिनय छ । यी सबै कलाकारले नेपाली रजतपटमा डेब्यु गर्दैछन् । यही चलचित्रबाट पुडासैनीले पनि लेखन तथा निर्देशनमा डेब्यु गर्दै हुनुहुन्छ । उहाँलाई चलचित्रको कथा लेखनमा सरिष्मा खत्रीले सघाउनुभएको छ । प्रवीन खड्काको छायांकन र रोमी तन्डुकारको सम्पादन रहेको चलचित्रको डिजिटल पाटर्नर म्युजिक नेपाल र क्रिएटिभ पाटर्नर टुनामुना कन्सेप्ट हो ।
राजधानी मिडिया एड प्रोडक्सन र प्रिन्सेस मुभिजको व्यानरमा सिनेमा निर्माण भएको छ । अर्जुनकुमार निर्माता रहेको यो चलचित्रको कार्यकारी निर्माता माधव वाग्ले हुनुहुन्छ । राजधानी मिडिया र प्रिन्सेस मुभिजले चलचित्रलाई संयुक्तरूपमा प्रदर्शन गर्नेछन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच