मड्रिड । युइएफए महिला च्याम्पियन्स लिगमा रियल मड्रिडले एफसी ट्वान्टविरुद्ध ७-० को फराकिलो जित दर्ता गरेको छ । घरेलु मैदान अल्फ्रेडो डी स्टेफानो रंगशालामा बुधबार राती रियललाई जित दिलाउन मारिया मेन्डेजले दुई तथा सिग्ने बु्रन, नाओमी फेलर, क्यारोलिन वेयर, ओइहान हर्नान्डेज र कार्ला कामाचोले समान एक गोल गर्नुभयो ।
खेलको तेस्रो मिनेटमै बु्रनको गोलमार्फत् रियलले अग्रता लिएको थियो । १३ मिनेटपछि मेन्डेजले टोलीको अग्रता दोब्बर बनाउनुभयो । फेलरले ५०औँ मिनेटमा टोलीका लागि तेस्रो गोल गर्नुभयो । पाँच मिनेटपछि वेयरले गोल गर्दा रियल ४-० ले अगाडि बढ्यो । मेन्डेजले ६३औँ मिनेटमा व्यक्तिगत दोस्रो गोल गर्दा रियल ५-० ले अगाडि बढ्यो । दुई मिनेटपछि हर्नान्डेजले टोलीका लागि छैटौँ गोल गर्नुभयो ।
अतिरिक्त समयमा कामाचोले गोल गरेपछि रियल ७-० ले विजयी भयो । जितसँगै तीन खेलमा ६ अंक जोडेको रियल समूह ‘बी’ को शीर्षस्थानमा छ । पराजित ट्वान्ट समान खेलबाट तीन अंकका साथ तेस्रो स्थानमा छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच