झापा । शिवगञ्ज र कच्चुदह जोड्नेगरि कन्काई नदीमा पक्की पुल निर्माण हुने भएको छ ।
तात्कालीन झापा क्षेत्र नम्बर ४ का सांसद एल.पि. साँवा लिम्बुको पहलकदमीमा रणनीतिक सडक अन्तर्गत झापाको शिवसताक्षी नगरपालिका वडा नम्बर ६ स्थित शिवगञ्ज पुरानो बजारको पूर्व र झापा गाउँपालिका वडा नम्बर ७ कच्चुदह जोड्नेगरि कन्काई नदीमा ६५० मिटर पक्की पुल बन्ने भएको हो ।
उक्त योजना अन्तर्गत आर्थिक वर्ष २०७८–७९ को बजेटले उक्त योजना समेटेको छ । बजेटमा पुल निर्माण योजना अन्तर्गत टेण्डर आव्हान समेत भएको छ ।
पुल नहुँदा वर्सौदेखि समस्या झेलिरहेका उक्त क्षेत्रका वासिन्दा पुल निर्माण हुने भएपछि अत्यन्त खुशी भएका छन् । पुल निर्माण हुने भएपछि यहाँका हजारौं स्थानीय प्रत्यक्ष लाभान्भित हुने भएका छन् । माइपश्चिमका शिवसताक्षी नगरपालिका, गौरीगञ्ज गाउँपालिका तथा पूर्वका झापा गाउँपालिका, कन्काई नगरपालिका, बाह्रदशी गाउँपालिका लगायतका वासिन्दा यसबाट लाभान्वित हुने छन् ।
साविक शिवगञ्ज गाउँपालिका अन्तर्गतका वडाहरु नदि पूर्व र पश्चिम रहेकाले यहाँका स्थानीयले वर्सौदेखि खेप्दै आएको हैरानी र नदी तर्दा भोग्दै आएको जोखिम पनि अब नहुने भएको छ । यतिमात्र होइन माई (कन्काई) को उर्लदोँ भेल तरेर खेति गर्नुपर्ने बाध्यता समेत अब नहुने स्थानीय बताउँछन् ।
सुगम क्षेत्रमा गनिने झापाको शिवगञ्ज पुरानो बजार भए पनि यो क्षेत्रले उल्लेख्य गति लिन सकेको छैन । सांसद साँवा यहाँको जनप्रतिनिधि चुनिएपछि विगतका केही वर्ष यता मात्र यहाँ सडक, विजुली, खानेपानीलगायतका विकासका पूर्वधारमा पहलकदमी भएको पाइन्छ ।
राजनीतिक हिसावले पहिलेदेखिनै नेता जन्माएको यो क्षेत्र नेताहरुनै राजधानी लगायता ठाउँमा यहाँबाट बसाई सरेर जानाले विकासमा पछि परेको यहाँको स्थानीयको गुनासो छ । अझै पनि धेरै ठाउँमा ग्रामीण सडक, वत्ति र खानेपानी, स्वास्थ्य लगायतका समस्या रहेकोले सही र इमान्दार प्रतिनिधि चुन्न सकेमात्र जनताले सोच अनुसार विकास हुनसक्ने स्थानीय बताउँछन् ।
यसैगरी वारिपारिका विद्यार्थीले समेत पठाइका शिलशिलामा वारिपारि गर्न अब सहज हुनेमा उनीहरुले खुशी व्यक्त गरे । यहाँका वासिन्दाले वारिपारि गर्न झण्डै १५ किलोमिटर उत्तरमा रहेको पूर्वपश्चिम राजमार्ग अन्तर्गतको पुल प्रयोग गर्नुपर्ने वाध्यता अब हट्ने भएको छ । निर्माणधीन हुलाकी राजमार्गअन्तर्गत चौरी–झापा बजार जोड्ने पुल पनि झण्डै १२ किलोमिटरमा रहेको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच