चेन्नाईमाथि मुम्बईको जित

Saturday May 14, 2022

Read Time = 2 mins

खेलकुद

A A- A+

मुम्बई । इण्डियन प्रिमियर लिग (आइपीएल) टी-ट्वान्टी क्रिकेटमा मुम्बई इण्डियन्सले साविक विजेता चेन्नाई सुपर किङसलाई पाँच विकेटले पराजित गरेको छ । चेन्नाईले दिएको ९८ रनको सामान्य लक्ष्य मुम्बईले १४.५ बलमा ५ विकेट गुमाएर पूरा गरेको थियो ।

मुम्बईको जितमा तिलक वर्माले अविजित रहँदै ३४ रन, कप्तान रोहित शर्मा र ऋतिक शोकेन समान १८ र टिम डाभिडले १६ रन बनाउनुभयो । चेन्नाईका मुकेश चौधरीले ३ विकेट लिनुभयो ।

त्यसअघि पहिले ब्याटिङ गरेको चेन्नईले १६ ओभरमा अलआउट हुँदै ९७ रन बनाएको थियो । चेन्नाईका लागि कप्तान महेन्द्रसिंह धोनीले अविजित रहँदै ३६ रन बनाउनुभयो । यस्तै ड्वाने ब्राभोले १२ तथा अम्बाती रायडु र शिवम डुबे समान १० रन बनाउनुभयो ।

मुम्बईका डानिल साम्सले तीन विकेट तथा रिले मेरीदिथ र कुमार कार्तिक्यले दुई/दुई विकेट लिनुभयो । जितसँगै मुम्बईले १२ खेलमा ६ अंक जोडेको छ । मुम्बई पुछारमा छ । चेन्नाई १२ खेलमा आठ अंक जोडेर नवौं स्थानमा छ ।

यो खबर पढेर तपाईलाई कस्तो महसुस भयो ?