पुनम विश्व बक्सिङ च्याम्पियनसिपमा पराजित

३ जेष्ठ २०७९, मंगलवार ०४:५७

Read Time = 1 min

खेलकुद

A A- A+

काठमाडौं । टर्कीमा जारी विश्व महिला बक्सिङ च्याम्पियनसिपमा नेपालकी पुनम रावल पराजित हुनुभएको छ । इस्तानबुलमा आइतबार राती भएको खेलमा पुनम ५७ देखि ६० किलो तौल समूहमा ग्रिसका मारिएला कानीसँग पराजित हुनुभएको हो ।

प्रारम्भिक चरणमा बाई पाएकी पुनम ग्रिसका खेलाडीसँग ५-० अंकका आधारमा पराजित हुनुभयो । पुनमको हारसँगै च्याम्पियनसिपमा नेपालको चुनौती सकिएको छ । च्याम्पियनसिपमा नेपालका चार खेलाडीले प्रतिस्पर्धा गरेका थिए ।

यसअघि नेपालकी मिनु गुरुङ ५० देखि ५२ केजी तौल समूहमा जापानी खेलाडी रिन्का किनोशितासँग ५-० अंकका आधारमा पराजित हुनुभएको थियो । यस्तै ४६ देखि ४८ केजी तौल समूहमा नेपालकी सुष्मा तामाङ मंगोलियाकी लान्चिव योनसँग ३-२ अंकले पराजित हुनुभएको हो । त्यसैगरी अर्की खेलाडी चन्द्रकला थापा ५४ देखि ५७ तौल समूहमा भारतीय खेलाडी मनिषासँग पराजित हुनुभएको हो ।