काठमाडौं । नेपाल पर्यटन बोर्ड र कुवेतको जजिरा एयरवेजले पर्यटन प्रवद्र्धनमा सहकार्य गर्ने भएका छन् । जजिराले यही जेठ २ गतेदेखि गौतमबुद्ध अन्तर्राष्ट्रिय विमानस्थलबाट पहिलो व्यावसायिक उडान गरेलगत्तै बोर्डले मध्यपूर्वका पर्यटकलाई नेपाल ल्याउने रणनीति अघि सारेको छ ।
जजिराले नेपालमा उडान गर्दा मध्यपूर्व काममा जाने नेपाली श्रमिकसँगै सो क्षेत्रबाट नेपालमा पर्यटक ल्याउन सकिने जनाएको छ । बोर्डका कार्यकारी प्रमुख डा. धनञ्जय रेग्मीले जजिराको उडानले मध्यपूर्व काममा जाने नेपाली श्रमिकसँगै सो क्षेत्रबाट पर्यटक ल्याउन सहयोग पुग्ने बताउनुभयो ।
उहाँले लुम्बिनीसँगै चितवन राष्ट्रिय निकुञ्ज, बर्दिया राष्ट्रिय निकुञ्ज, रानीमहललगायत क्षेत्रमा पनि पर्यटकलाई आकर्षित गर्न सकिने भन्दै पर्यटन प्रवद्र्धनका लागि जजिरासँग सहकार्य गरेर अगाडि बढ्न बोर्ड तयार रहेको जानकारी दिनुभयो ।
जजिराका नेपाल तथा बंगलादेश एरिया म्यानेजर अर्जित गाँगुलीले नेपाली श्रमिकसँगै नेपालमा मध्यपूर्वका पर्यटक आगमनको पनि पर्याप्त सम्भावना रहेकाले बोर्डसँग सहकार्य गर्दै अघि बढ्न चाहेको बताउनुभयो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच