बैतडी । बैतडीको जगन्नाथ बहुमुखी क्याम्पसको जग्गामा खेलमैदानको निर्माण कार्य सुरु भएको छ । सुदूरपश्चिम प्रदेश सरकारको सामाजिक विकास मन्त्रालयको १० लाख लगानीमा एक सय मिटर लम्बाइ र ५० मिटर चौडाइको खेलमैदानको निर्माण कार्य सुरु भएको हो ।
चालु आर्थिक वर्षमै सम्पन्न गर्ने गरी खेलमैदान निर्माण कार्य सुरु भएको हो । बिग बी एन्ड कम्पनीले खेलमैदान निर्माणको जिम्मा पाएको हो । क्याम्पसको आफ्नै खेलमैदान नहुँदा खेलकुदका गतिविधि सञ्चालनमा समस्या भएको थियो । खेलमैदान निर्माण कार्य सुरु भएपछि अब खेलकुदका गतिविधि अगाडि बढाउन सहज हुने क्याम्पस प्रमुख पृथ्वीराज अवस्थीले बताउनुभयो ।
खेलमैदान निर्माण कार्यको दशरथचन्द नगरपालिकाका प्रमुख पुष्करराज जोशीले शिलान्यास गर्नुभएको छ । सो निर्माण कार्यको शिलान्यास गर्दै दशरथचन्द नगरपालिकाका प्रमुख जोशीले खेलमैदानको थप स्तरोन्नतिका लागि नगरपालिकाले समेत सहयोग गर्ने प्रतिबद्धता व्यक्त गर्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच