काठमाडौं । जनता समाजवादी पार्टीबाट मन्त्री रहेका राजेन्द्र श्रेष्ठमाथि आफ्नै दलका नेताले हातपात प्रयास गरेका छन् ।
स्थानीय विकास तथा सामान्य प्रशासनमन्त्री राजेन्द्र श्रेष्ठ माथि जसपाका सांसद रामबाबु यादवले हातपात प्रयास गर्नुभएको हो ।
बिहीबार मन्त्रीको कार्यकक्षमा भेटवार्ता लागि पुग्नुभएको सांसद यादवले आफूले सिफारिस गरेका योजनाहरु बजेटमा नपरेको भन्दै मन्त्रीमाथि आक्रोश पोख्नुभयो । जसपाका निलम्बित सांसद हरिनारायण रौनियार पनि भेटमा सहभागी हुनुहुन्थ्यो ।
सांसद यादवले आफूले मन्त्रीमाथि हात नगरेको दाबी गर्दै आफ्ना कुरा नसुनेपछि टेबल ठोकेको भने स्वीकार गर्नुभयो। ‘मेरा कुरा नसुनेपछि टेबल ठोकेको हुँ, मसँगै भएको पानीको बोतल पनि फालेँ, उहाँ पनि केके भनिरहनु भएको थियो’ उहाँले भन्नुभयो ।
युवा जनशक्ति निर्यात गर्ने देश
योगचौतारी नेपाल स्वस्थ समाज निर्माणमा
बिक्रीमा विद्यावारिधि ?
गल्तीलाई आत्मसात गर्ने कि अझै
प्राकृतिक चिकित्सालय र योग चौतारीबीच
ढुकुटीको साँचो सधैँ बेइमानहरूको हातमा