काठमाडौं । नेपाल पुलिस क्लबले प्रधानमन्त्री कप २०२४ मा लगातार पाँचौं जित दर्ता गर्ने क्रममा मधेश प्रदेशलाई हराएको छ । मूलपानी क्रिकेट मैदानमा मधेशमाथि ६ विकेटको जित निकाल्दै पुलिसले शतप्रतिशत जितको नतिजालाई कायम राख्यो । मधेशले प्रस्तुत गरेको ९७ रनको लक्ष्य पुलिसले १९औँ ओभरमा ४ विकेट गुमाउँदै पूरा गर्यो । पुलिसले पाँच खेलमा १० अंक लिएर शीर्षस्थानमा अग्रता फराकिलो पार्दा मधेश भने सात खेलमा आठ अंक जोड्दै तेस्रो स्थानमा छ ।
बायाँ हाते स्पिनरद्वय सागर ढकाल र ललितनारायण राजवंशीले ९ विकेट लिएपछि मधेश २४ ओभरमा मात्र ९६ रन जोड्दै अल आउट भएको थियो । दोस्रो ओभरमा अनिल शाह १ रनमा आउट भएपछि मधेशको विकेट पतन सुरु भएको थियो । अरनिको यादवले २३ र कप्तान हरिशंकर शाहले २२ रन जोड्नुबाहेक अन्य खेलाडीको प्रदर्शन राम्रो भएन । सागरले ९ ओभरमा ४१ रन खर्चेर ५ विकेट लिँदा ललितले ५ ओभरमा मात्र १२ रन दिएर ४ विकेट हात पार्नुभयो । अर्को विकेट रशिद खानको नाममा रहृयो ।
जवाफी ब्याटिङमा पुलिसका लागि सुनिल धमला र कुशल भुर्तेलले ५२ रनको साझेदारी गर्नुभयो । कुशल २३ बलमा २ चौका र १ छक्का जोड्दै १९ रनमा आउट हुनुभयो । सुनिल धमलाले २८ रन जोड्नुभयो । उहाँले २७ बलमा ३ चौका र २ छक्का जोड्नुभयो । अर्जुन साउद ७ र दिलिप नाथ ४ रनमा आउट हुँदा पुलिस केही समस्यामा थियो । तर, अमित श्रेष्ठ नट आउट १५ तथा आरिफ शेखले १ चौका र १ छक्कासहित नट आउट १६ रन जोडेर जित पक्का गर्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच