रमेश विश्वकर्मा
गुल्मी । गुल्मीको रेसुंगा नगरपालिकाका नगरप्रमुख खिलध्वज पन्थीले आफ्नो प्रमुख ध्येय स्वास्थ्य र शिक्षा भएको बताउनुभएको छ ।
रेसुंगा नगरपालिकाको सभाहलमा नगरपालिका भित्र रहेका विद्यालयका प्रधानाध्यापकहरूसँगको छलफलमा नगरप्रमुख पन्थीले शिक्षामा लगानी बढाउने बताउनुभएको हो । समुन्नत नगरपालिका निर्माणको आधार शिक्षा भएकाले नगरपालिकाले शिक्षामा लगानी बढाउने उहाँले बताउनुभयो ।
सबैको प्रमुख लक्ष्य आधुनिक, न्यायपूर्ण र सभ्य समाज निर्माण गर्ने रहेको उल्लेख गर्दै नगरप्रमुख पन्थीले भन्नुभयो, ‘बोलेर होइन काम गरेर इतिहास बन्छ । उहाँले उच्च मनोबलका साथ काम गर्न पनि शिक्षकहरुलाई आग्रह गर्नुभयो ।
शिक्षकहरूको साथ लिएर काम गर्न चाहेको बताउँदै नगरप्रमुख पन्थीले आफू पनि विद्यार्थी भएकाले धेरै कुराहरू सिक्न बाँकी रहेको समेत उल्लेख गर्नुभयो ।
भौतिक पूर्वाधार निर्माणको जिम्मा स्थानीय तहले लिने बताउँदै समाज रुपान्तरणका लागि शिक्षामा आमूल परिवर्तनको खाँचो रहेको उहाँको भनाइ थियो ।
नगरप्रमुख पन्थीले रेसुंगा नगरपालिकामा अगुवा विद्यालय घोषणा गरिने बताउँदै यसलाई नगरको नीति कार्यक्रमा नै समावेश गरेर जाने उल्लेख गर्नुभयो । उहाँले शिक्षाको गुणस्तर घटाएर बनाएका भौतिक संरचनाको अर्थ नभएको तर्क प्रस्तुत गर्नुभयो । फरक प्रसँगमा नगरप्रमुख पन्थीले आफूहररूलाई माला र खाँदा नभई काम चाहिएको बताउनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच