हेटौंडा । जिल्ला समन्वय समिति मकवानपुरको प्रमुखमा ललितबहादुर घलान विजयी हुनु भएको छ । हेटौंडा उपमहानगरपलिका वडा नम्बर १२ को अध्यक्ष घलान जिसस मकवानपुरको प्रमुखमा विजयी हुनु भएको हो ।
वडा अध्यक्ष छोडेर जिसस प्रमुखमा उम्मेदवारी दिनुभएका घलानसहित सत्तारुढ गठबन्धनको प्यानल नै विजयी भएको छ । बिहीबार भएको निर्वाचनमा नेकपा एमालेका उम्मेदवार बुद्धिराम डिमडुङलाई हराउँदै घलान प्रमुखमा विजयी हुनुभयो । घलानले १७ मत प्राप्त गर्दा डिमडुङले ३ मत मात्र प्राप्त गर्नुभयो ।
समन्वय समिति उपप्रमुखमा गठबन्धनबाट नेपाली कांग्रेसका सानुकाजी लुइटेल निर्विरोध निर्वाचित हुनु भयो। उपप्रमुखमा लुइटेलको मात्र उम्मेदवारी परेको थियो । महिला सदस्यमा गठबन्धनबाट नेपाली कांग्रेसका तारा ढुंगाना १७ मत, विष्णुमाया थपलिया १७ मत र सुमित्रा थिङ १७ मत निर्वाचित हुँदा एमालेका बिनाकुमारी थिङ लामाले ३ मत ल्याउनु् भयो
दलित सदस्यमा नेकपा (एकीकृत समाजवादी) का सुनिता दर्नाल परियार निर्विरोध निर्वाचित हुनुभयो । दलित समस्यमा उनको मात्रै उम्मेदवारी परेको थियो । खुलातर्फ ३ जना सदस्यमा गठबन्धनको तर्फबाट नेकपा (एकीकृत समाजवादी) का वीरेन्द्रकुमार लामा १६ मत, नेकपा माओवादी केन्द्रबाट खड्कबहादुर पुलामी १७ मत र सुवर्ण गोपाली १७ मत विजयी हुँदा एमालेका तोयानाथ तिमल्सिनाले ३ मत प्राप्त गर्नुभयाे।
वडा अध्यक्ष जितेका घलान समन्वय समितिको प्रमुखमा गएसंगै हेटौंडा उपमहानगरपालिकामा माओवादीे वडा अध्यक्षविहीन भएको छ । १९ वडा रहेको उपमहानगरमा माओवादीले एउटा मात्रै वडा जितेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच