काठमाडौं । पूर्वसञ्चारकर्मी रवि लामिछानेले आफू राजनीतिमा गन्हाएको हिलो पखाल्न पत्रकारिता छाडेर राजनीतिको मैदानमा उत्रिएको बताउनु भएको छ ।
मंगलबार राष्ट्रिय सभा गृहमा आयोजित घोषणा सभामा उहाँले आफूले ठूल्ठूला घोषणा नगर्ने बरु स-साना कुरामा परिवर्तन गर्न आएको बताउनु भयो । उहाँले आफू कुनै व्यवस्था बदल्न होइन, अवस्था बदल्न आएको बताउनुभयो ।
‘म कुनै व्यवस्था बदल्न आएको होइन, अवस्था बदल्न आएको हुँ । यहाँ रहेका विकृति विसंगति बदल्ने प्रयास गर्नेछु,’ उहाँले भन्नुभयो, ‘मलाई पहिलेदेखि नै धेरैले राजनीतिमा आउन अभिप्रेरित गरे पनि म बल्ल राजनीतिमा आएको छु ।’
उहाँले पहिलेका दलका नेता र आफू उस्तै उस्तै देखिने गरे पनि नझुक्किन आग्रह गर्नुभयो । लामिछानेले अब कुनै नेतासँग ठूला कुरा नगर्ने, नझर्कने पनि बताउनुभयो । आफू राजनीतिमा आउन विभिन्न दलका धेरै नेतासँग कुराकानी गरे पनि त्यसलाई अब धन्यवादबाहेक अरु केही पनि नरहने उल्लेख गर्नुभयो ।
उहाँले आजसम्म नेपालमा दर्ता भएका कुनै पनि दलमा प्रवेश नगर्ने घोषणा गर्नुभयो । लामिछानेले स्वतन्त्र रूपमा आफ्नो राजनीति अघि बढाउने बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच