डडेल्धुरामा लागूऔषधसहित ३ जना पक्राउ

हिमालय टाइम्स

Sunday July 31, 2022

Read Time = 2 mins

अपराध/सुरक्षा

A A- A+

-दिपक राज भट्ट

डडेल्धुरा । डडेल्धुरामा जिल्ला सदरमुकाको एक होटल बाट लागूऔषध खैरो हिरोइनसहित ३ जनालाई प्रहरीले पक्राउ गरेकाे छ । प्रहरीले कञ्चनपुको शुक्लाफाँटा नगरपालिका-९ का २८ वर्षीय दिपेश ऐर, झलारी सिसैयाका २६ वर्षीय शैलेन्द्र सिंह र डडेल्धुराको अमरगढी नगरपालिका-६ का २६ वर्षीय अनिल ताम्राकारलाई पक्राउ गरेको हो ।

उनीहरूको साथबाट लागूऔषध खैरो हिरोइनजस्तो देखिने खैरो रङको पदार्थ २.५० ग्राम, नगद ४३ हजार ३ सय ५० रुयैयाँ र ३ थान मोबाइल बरामद गरिएको डीएसपी मनोहरप्रसाद भट्टले जानकारी दिनुभयाे ।

अमरगढी नगरपालिका-५ बागबजारस्थित तेज बोहराले सञ्चालन गरेको ग्रिन लजको तेस्रो तलामा लागूऔषध खैरोहिरोइनको कारोबार हुँदैछ भन्ने गोप्य सूचनाको आधारमा उनीहरूलाई शुक्रबार राति ९ बजेतिर पक्राउ गरिएको उहाँले बताउनुभयाे ।

उनीहरूलाई पक्राउ गरी थप अनुसन्धानका लागि जिल्ला प्रहरी कार्यालयको हिरासतमा राखिएको डीएसपी भट्टले जानकारी दिनुभयाे । प्रहरीले उनीहरूलाई शुक्रबार पक्राउ गरेको भएपनि आइतबार मात्रै सूचना सार्वजनिक गरेको हो ।

यो खबर पढेर तपाईलाई कस्तो महसुस भयो ?