काठमाडौं । लनर्स इन्स्टिच्युट एन्ड कन्सल्टेन्सीले कराँते खेलमा ठूलै सफलता हासिल गर्नुभएका अन्तर्राष्ट्रिय स्वर्णपदक विजेता खेलाडी सुमन तिमल्सिनालाई ब्रान्ड एम्बेसडरमा नियुक्त गरेको छ ।
लनर्सका प्रबन्ध निर्देशक सुदीप छत्कुली र कराँते खेलाडी सुमनबीच आज यहाँ आयोजित एक कार्यक्रममा एक वर्षका लागि ब्रान्ड एम्बेसडर नियुक्त गरेको सम्झौतापत्रमा हस्ताक्षर गर्नुभयो । सम्झौताअनुसार लनर्सले अबको एक वर्षसम्म सुमनलाई अन्तर्राष्ट्रिय प्रतियोगितामा सहभागी हुँदा हवाई टिकटको प्रायोजन गर्नेछ ।
कराँते खेलाडी सुमनले बंगलादेशमा भएको तेस्रो कन्टिनेन्टल एसियाली कराँतेमा स्वर्ण, श्रीलंकामा भएको प्रथम अन्तर्राष्ट्रिय कराँतेमा स्वर्ण, भारतमा भएको छैटौँ एसियाली गोजुरियो कराँतेमा रजत, मलेसियामा भएको प्रथम एसियाली प्यासिफिक गोजुरियो कराँतेमा कास्य पदक हात पार्नुभएको थियो ।
यसैगरी उहाँले जर्मनीमा भएको चेम्निज ओपन कराँतेमा स्वर्ण र टोरोन्टो अन्तर्राष्ट्रिय मार्सल आर्टस् इ-कातामा स्वर्णपदक जित्नुभएको थियो । कार्यक्रममा लनर्सका प्रबन्ध निर्देशक छत्कुलीले अन्तर्राष्ट्रिय जगत्मा राष्ट्रको गरिमा अभिवृद्धि गर्ने खेलाडीलाई ब्रान्ड एम्बेसडर बनाउन पाउँदा खुसी लागेको उल्लेख गर्दै सुमनको लगशीलता र देशलाई दिलाएको उपलब्धिका कारण पहिलोपटकलाई एक वर्षका लागि ब्रान्ड एम्बेसडरमा नियुक्त गरेको बताउनुभयो ।
यसैगरी कराँते खेलाडी सुमनले खेलकुद र खेलाडीको महत्व बुझेर ब्रान्ड एम्बेसडर बनाएकामा खुसी व्यक्त गर्नुभयो । पुतलीसडकमा सात वर्षअघि स्थापना भएको लनर्सले अस्ट्रेलिया, क्यानाडा र युरोपमा उच्च शिक्षा हासिल गर्न चाहने विद्यार्थीका लागि परामर्शदाता र अन्य आवश्यक कार्यमा सहयोग गर्दै आएको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच