काठमाडौं । नेपाल उद्योग वाणिज्य महासंघका वरिष्ठ उपाध्यक्ष चन्द्रप्रसाद ढकालले निजी क्षेत्रद्वारा प्रवद्र्धित ठूला पूर्वाधार परियोजनामा लगानी बढाउन एशियाली विकास बैंक(एडिबी) लाई आग्रह गर्नुभएको छ । काठमाडौंमा एडिबीका उपाध्यक्ष अशोक लाभासासँगको भेटमा उहाँले यस्तो आग्रह गर्नुभएको हो । उहाँले भन्नुभयो, ‘मुलुकको विकासमा पूर्वाधारको महत्वपूर्ण भूमिका रहन्छ । यहाँहरूले यस्ता पूर्वाधारको क्षेत्रमा लगानी बढाउँदा पूर्वाधार विकासमा सहयोग पुग्नुका साथै मुलुकको समग्र विकासमा समेत ठूलो योगदान पुग्न सक्छ ।
निजी क्षेत्रद्वारा प्रवद्र्धित ठूला-ठूला पूर्वाधारका परियोजनामा लगानीका प्रशस्त सम्भावना छन् । स्रोत अभावमा निजी क्षेत्रले ठूला-ठूला पर्यटन, जलविद्युत्, सडक, होटललगायतका पूर्वाधारमा लगानी गर्न सकेको छैन । यस क्षेत्रमा एशियाली विकास बैंकले लगानी विस्तार गर्नुपर्यो ।’
सो अवसरमा एडिबी उपाध्यक्ष लाभासले एडिबी नेपालको निजी क्षेत्रसँग सहकार्य गरी सम्भावना रहेका पूर्वाधारका परियोजनामा लगानीका लागि तयार रहेको बताउनुभयो । भेटमा ग्लोबल आइएमई बैंकका प्रमुख कार्यकारी अधिकृत रत्नराज बज्राचार्य तथा एडिबीका अन्य प्रतिनिधिको पनि उपस्थिति रहेको थियो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच