मेयरकप प्रतियोगिताको उपाधि सिदिङ्वा गाउँपालिकालाई

हिमालय टाइम्स
Read Time = 2 mins
A A- A+

ताप्लेजुङ । ताप्लेजुङको फुङ्लिङ नगरपालिकाले आयोजना गरेको अन्तरपालिका मेयरकप रनिङ भलिबल प्रतियोगिताको उपाधि सिदिङ्वा गाउँपालिकाले हासिल गरेको छ । फाइनल खेलमा पाथीभरा याङ्वरक गाउँपालिकालाई ३-१ को सेटमा पराजित गर्दै सिदिङ्वा गाउँपालिकाले उपाधि जितेको हो ।

सिदिङ्वाले पाथीभरा याङ्वरक गाउँपालिकालाई २५-२१, २५-१७, २१-२५ र २५-२१ को स्कोरमा पराजित गर्‍यो । यसअघि सेमिफाइनलमा पाथीभरा याङ्वरकले फुङलिङ नगरपालिकाको टिमलाई र सिदिङ्वाले सिरिजंगा गाउँपालिकालाई पराजित गर्दै फाइनल यात्रा तय गरेका थिए ।

जितसँगै सिदिङ्वाले दुई लाख ७५ हजार एक सयका साथ रनिङकप, मेडल प्रमाणपत्र पाएको छ । उपविजेता पाथीभरा याङ्वरक गाउँपालिका एक लाख ४० हजार एक सयका साथ ट्रफी, मेडल र प्रमाणपत्रको हकदार भएको छ ।

सेमिफाइनलमा पुग्ने दुई टिम क्रमशः फुङ्लिङ नगरपालिका र सिरिजंगा गाउँपालिका प्रत्येकले ४५ हजार एक सयका साथ ट्रफी, मेडल र प्रमाणपत्र पाउने मेयरकप रनिङ भलिबल प्रतियोगिता खेल संयोजक एवं फुङ्लिङ नगरपालिकाका सामाजिक विकास समिति संयोजक क्षितिज सुनुवारले जानकारी दिनुभयो ।

guest
0 Comments
Inline Feedbacks
View all comments

रिलेटेड न्युज

छुटाउनुभयो कि ?