संयुक्त राष्ट्रसंघ । रुस र युक्रेनबीचको युद्ध चर्किँदै जाँदा दुवै देशका बालबालिका सबैभन्दा बढी प्रभावित भएको युनिसेफको युरोप र मध्य एसियाका क्षेत्रीय निर्देशक अफसान खानले बताएको अल जजिराले उल्लेख गरेको छ । संयुक्त राष्ट्रसंघ बाल एजेन्सीको प्रतिवेदन अनुसार २२ देशको अध्ययनले युक्रेनमा रुसको आक्रमणले गहिरो आर्थिक संकट बढ्दै गएको देखाएको छ ।
युक्रेनमा युद्धका कारण उत्पन्न आर्थिक संकटको सबैभन्दा ठूलो बोझ बालबालिका माथि परेको युनिसेफले जनाएको छ । जारी आर्थिक मन्दीका कारण अहिले थप २८ लाख बालबालिका गरिबीको रेखामुनि रहेको बताइएको छ ।
यसैगरी रोमानियामा पनि ११ लाख बालबालिका गरिबीमा बाँचिरहेको अल जजीराले उल्लेख गरेको छ । युनिसेफका युरोप र मध्य एसियाका क्षेत्रीय निर्देशक अफसान खानले भन्नुभयो, ‘यस डरलाग्दो युद्धको चपेटामा यस क्षेत्रका बालबालिकाहरू प्रभावित भइरहेका छन् ।’यसले थप चार हजार पाँच हजार बालबालिकालाई आफ्नो पहिलो जन्मोत्सव अघि नै मृत्युवरण गर्न विवश हुने र र यस प्रत्येक वर्ष विद्यालय छाड्ने बालबालिकाको संख्या एल लाख १७ हजार पुग्ने गरेको अल जजीराले युनिसेफलाई उद्धृत गर्दै रिपोर्ट गरेको छ ।
हालै जारी भएको युनिसेफको अर्को प्रतिवेदनमा युक्रेनको युद्धमा झण्डै एक हजार केटा र केटी मारिएका वा घाइते भएको बताइएको छ । लगभग छ महिनाअघि युद्ध बढेपछि युक्रेनमा कम्तिमा ९७२ बालबालिका हिंसाबाट मारिएका वा घाइते भएका छन् । करिब ६ महिनाअघि रुस-युक्रेन युद्ध सुरु भएको थियो । युक्रेनी शरणार्थी संकटको पूर्ण दायरा मापन गर्न गाह्रो छ यद्यपि दोस्रो विश्वयुद्धपछि युरोपमा यसपटक देखिएको शरणार्थी संकट सबैभन्दा उच्च छ ।
यसैबीच, युक्रेनका लगभग हरेक बालबालिकाले गहिरो पीडादायी घटनाहरूको सामना गरेका छन् । हिंसाबाट भाग्नेहरू पारिवारिक विछोड, दुव्र्यवहार, यौन शोषण, थप आक्रमण र बेचबिखनको महत्वपूर्ण जोखिममा छन् ।
बढ्दो शत्रुताले शिक्षा प्रणालीलाई तहसनहस बनाएको छ । युनिसेफको अनुमान १० मध्ये एक विद्यालय क्षतिग्रस्त वा नष्ट भएको छ । विद्यालयहरूलाई द्वन्द्वमा प्रयोग गरिएको छ । जसले गर्दा परिवारले आफ्ना बालबालिकालाई कक्षाकोठामा फर्काउन सुरक्षित महसुस गरेका छैनन् । संयुक्त राष्ट्रसंघ बाल कोषले तत्काल युद्धविरामको लागि आहृवान गरिरहेको छ । रासस/एएनआई ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच