नैरोबी । केन्याको राजधानी नैरोबीको उत्तरी शहरमा बाँध फुट्दा ४० जनाको मृत्यु भएको पुष्टि भएको छ । अन्य धेरै बेपत्ता भएका स्थानीय प्रहरीले बताएको छ । आईतवारबाट शुरु भएको वर्षा र बाढी आज पनि जारी छ । वर्षाका कारण धेरै जनधन बगाएको बताइएको छ ।
नैरोबीको उत्तरमा ६० किलोमिटर उत्तरमा रहेको माई महिउ क्षेत्रमा ठूलो खोजी र उद्धार कार्य जारी रहेको स्थानीय प्रहरीले बताएको छ । सोमवार भग्नावशेषबाट ४० शव निकालेको बताएको छ ।
खोज तथा उद्धार कार्य जारी रहेकाले धेरै मानिस बेपत्ता रहेको भन्दै स्थानीय अधिकारीहरूले हताहत बढ्न सक्ने बताएका छन् । सरकारका प्रवक्ता इसाक मवाउराले भारी वर्षाले ४७ काउन्टी प्रभावित भएको र बाढीले एक लाख ३१ हजार ४५० जना गरी २४ हजार १९६ घरधुरी बिस्थापित भएको बताए ।
देशका विभिन्न स्थानमा पानी पर्ने क्रम जारी रहेको जल तथा मौसम पूर्वानुमान महाशाखाले आगामी दिनमा ४० भन्दा बढी जिल्लामा भारी वर्षाको सम्भावना रहेको जनाएको छ । उपराष्ट्रपति रिगाथी गचागुवाले सरकारले वर्षाको प्रभावको तत्काल प्रतिक्रियाका लागि चार अर्ब सिलिंग (करिब ३० मिलियन अमेरिकी डलर) विनियोजन गरेको घोषणा गर्नुभयो ।
-सिन्ह्वा /न्युज एजेन्सी नेपाल
यो पनि पढ्नुहोस्
रफाहमा इजरायली हवाई आक्रमण, २० जनाको मृत्यु
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच