काठमाडौं । नेपाली मानवशास्त्रका पिता डोरबहादुर विष्ट जीवन र कृतिमाथि बनेको वृत्तचित्र ‘काष्ट अवे म्यान’ पोर्चुगलमा प्रदर्शन गरिने भएको छ । केसाङ छेतेनद्वारा निर्देशित उक्त वृत्तचित्र नेपाल आदिवासी जनजाति महासंघ, पोर्चुगलको आयोजनामा लिस्वनमा प्रदर्शन गर्न लागिएको हो ।
मेसोडोनियामा आयोजित चलचित्र महोत्सवमा सहभागी हुन युरोप भ्रमणमा रहनुभएका चलचित्र अभियन्ता तथा लेखक वसन्त थापा र केसाङ छेतेनको स्वागत कार्यक्रमसँगै महासंघले मानवशास्त्री डोरबहादुर विष्टबारे अन्तरक्रियाको पनि आयोजना गरिने जनाइएको छ ।
अक्टोबर १६ मा आयोजना गरिने वृत्तचित्र प्रदर्शन र अन्तरक्रियाले डोरबहादुर विष्टको मानवशास्त्रसम्बन्धी योगदान र यसले आदिवासी जनजातिहरूको आन्दोलनमा प्राप्त ऊर्जाको बारेमा पनि ज्ञान हुने आशा लिइएको महासंघ, पोर्चुगलका अध्यक्ष चोपकुमार राना मगरले बताउनुभयो ।
मानवशास्त्री विष्ट विगत २८ वर्षदेखि वेपत्ता हुनुहुन्छ । उहाँले जुम्लाको चौधविसामा कर्णाली इन्स्टिच्युट नामको संस्था स्थापना गरेर सामाजिक सेवा गर्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच