ब्राजिलमा लुला राष्ट्रपति बनेपछि बोल्सोनारोका समर्थकले गरे आगजनी र नाकाबन्दी

हिमालय टाइम्स

१६ कार्तिक २०७९, बुधबार ०८:३१

Read Time = 2 mins

विदेश

A A- A+

रियो दि जेनेरियो । ब्राजिलमा राष्ट्रपति जैर बोल्सोनारोको समर्थनमा ट्रक चालक र अन्य प्रदर्शनकारीहरूले राजमार्ग अवरुद्ध गरेका छन् ।

सोमबार सम्पन्न निर्वाचनमा पराजय चाखेका बोल्सोनारोको समर्थकहरुले लगातार दोस्रो दिन मंगलबार राजमार्ग अवरुद्ध गरेका हुन् । निर्वाचनमा वामपन्थी नेता लुइज इनासिओ लुला दा सिल्भा विजयी भएका छन् । अर्कोतर्फ बोल्सोनारोले आफ्नो पराजय स्वीकार गरेका छैनन् ।

ब्राजिलका २७ राज्यमध्ये २३ राज्यमा २५० भन्दा बढी अवरोध खडा गरिएका संघीय राजमार्ग प्रहरी (पीआरएफ)ले जनाएको छ । सोमबार राति प्रदर्शनकारीले देशको मुख्य अन्तर्राष्ट्रिय हव साओ पाउलोको गुआरुलहोस विमानस्थलबाहिरको सडक अवरोध गर्दा उडानहरू रद्द भएका थिए ।

त्यसपछि यी प्रदर्शन तितरवितर भएका छन् । रियो दि जेनेरियोलगायतका प्रमुख सहर जाने मार्ग पनि अवरोध भएका थिए । ‘साओ पाउलोको एउटा पुलमा ‘लुला चाहिँदैन’ लेखेको व्यानर टाँसिएको छ ।

लुला दा सिल्भाले ५०.९ प्रतिशत र बोल्सोनारोले ४९.१ प्रतिशत मत प्राप्त गरेका थिए। ब्राजिलको संघीय राजमार्ग पुलिसले जानकारी दिएअनुसार प्रदर्शनकारीले ३२१ स्थानमा विरोध प्रदर्शन गरेका छन् भने २६ राज्यहरूमा पूर्ण वा आंशिक रूपमा सडकहरू बन्द छन्।

यो खबर पढेर तपाईलाई कस्तो महसुस भयो ?