काठमाडौं । कतारमा जारी फिफा विश्वकप २०२२ को दोस्रो खेलमा क्रोएसियाले क्यानडालाई पराजित गरेको छ ।
कालिफा अन्तर्राष्ट्रिय स्टेडियममा आइतबार राति भएको खेलमा क्रोएसियाले क्यानडालाई ४-१ गोल अन्तरले पराजित गरेको हो । खेलमा क्यानडाले सुरुआती अग्रता लिएको थियो ।
खेलको दोस्रो मिनेटमा अल्फोन्सो डेभिसले गोल गर्दै क्यानडालाई अग्रता दिलाएका थिए । डेभिसले विश्वकपमा क्यानडाका लागि गोल गर्ने पहिलो खेलाडीको कीर्तिमान पनि बनाए ।
खेलको ३६ औं मिनेटमा क्रोएसियाका आन्द्रेज क्रमारिकले गोल गर्दै टोलीलाई बराबरीमा ल्याए । खेलको ४४ औं मिनेटमा मार्को लाभाजले गोल गर्दै क्रोएसियालाई २-१ को अग्रता दिलाए । खेलको ७०औं मिनेटमा क्रमारिकले दोस्रो गोल गर्दै क्रोएसियालाई ३-१ को अवस्थामा पुर्याए । दोस्रो हाफको इन्जुरी समयमा क्रोएसियाका लोभ्रो मजेरले गोल गर्दै टोलीलाई ४-१ गोल अन्तरको जित दिलाए ।
यो जितसँगै २ खेलबाट ४ अंक जोडेको क्रोएसिया समूह ‘एफ’ को शीर्ष स्थानमा छ । पराजित क्यानडा २ खेलबाट अंकबिहिन हुँदै प्रतियोगिताबाट बाहिरिएको छ । क्यानडा पहिलो खेलमा बेल्जियमसँग हारेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच