काठमाडौं । सर्वसाधारणका लागि सेयर निस्कासन योजनासहित पब्लिक लिमिटेडमा रूपान्तरण हुने देशकै पहिलो अस्पताल नर्भिक इन्टरनेशनल हस्पिटलको साधारणसभाले लाभांश बढाएर पारित गरेको छ । शुक्रबार थापाथलीमा सम्पन्न दोस्रो साधारणसभाले सञ्चालक समितिबाट भएको प्रस्तावमा संशोधन गर्दै लाभांश बढाएर पारित गरेको हो ।
यसअघि सञ्चालक समितिले आर्थिक वर्ष २०७८/०७९ को नाफाबाट सेयरधनीलाई कुल ४० प्रतिशत लाभांश वितरणको निर्णयसहित प्रस्ताव साधारणसभामा लगेको थियो ।
सञ्चालक समितिको प्रस्तावअनुसार २० प्रतिशत बोनस सेयर र २० प्रतिशत नगद लाभांश वितरण गरिनेमा २० प्रतिशत बोनस सेयर र २२.१०५ प्रतिशत नगद लाभांश गरी कुल ४२.१०५ प्रतिशत लाभांश वितरण गर्ने निर्णय गरेको हो ।
साधारणसभा उद्घाटन नर्भिक अस्पतालका संरक्षक वसन्त चौधरी र अस्पतालको सञ्चालक समितिका अध्यक्ष राजेन्द्रबहादुर सिंहले संयुक्तरूपमा गर्नुभएको थियो । हाल नर्भिकको चुक्ता पुँजी २२ करोड ५० लाख रुपैयाँ रहेको छ भने २० प्रतिशत बोनस सेयरसँगै चुक्ता पुँजी २७ करोड रुपैयाँ पुगेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच