गुल्मी । गुल्मीमै पहिलो पटक पशुको भिडियो एक्स–रे सेवा सुरु गर्न थालिएको छ ।
भेटेरिनरी अस्पताल तथा पशु सेवा विज्ञ केन्द्र गुल्मीले यो सेवा सुरु गरेको हो । केन्द्रले पशुको भिडियो एक्स–रे सेवा सुरु गर्दा स्थानीय कृषकहरु निकै खुसी भएका छन् ।
लुम्बिनी प्रदेशको पशुपन्छी तथा मत्स्य विकास निर्देशनालयको सिफारिसमा नेपाल लाइभस्टक सेक्टर इनोभेसन आयोजनाले यहाँ भिडियो एक्स–रे मेसिन उपलब्ध गराएको हो । भिडियो एक्स–रेबाट पशुहरुको बाँझोपनको समस्या र गर्भ परिक्षण गरिने भेटेरिनरी अस्पताल तथा पशु सेवा विज्ञ केन्द्र गुल्मीका प्रमुख डाक्टर भरत काफ्लेले जानकारी दिनुभयो ।
त्यस्तै, पशुको पत्थरी र कलेजो लगायतको पनि परिक्षण हुनेछ । किसानका घर–घरमा पुगेर पशुहरुको भिडियो एक्स-रे गर्नका लागि पालिकाका प्राविधिकमार्फत तथ्यांक संकलन भइरहेको छ । इस्मा गाउँपालिकाको विभिन्न्न स्थानबाट यो सेवा सुरु गरिएको हो । किसानको माग अनुसार यो सेवालाई जिल्लाका सबै स्थानमा पु-याइने डाक्टर काफ्लेले बताउनुभयो ।
इस्मा गाउँपालिका–६ का कृषक कृष्ण घिमिरेले आफ्ना गाईहरुको समस्या परिक्षण गराउनुभयो । केन्द्रले नयाँ सेवा प्रवाह गरेको भन्दै घिमिरेले खुसी व्यक्त गर्नुभयो । ‘यो सुविधाको धेरैले किसानले उपभोग गर्नुपर्छ,’ उहाँले भन्नुभयो ।
युवा जनशक्ति निर्यात गर्ने देश
बिक्रीमा विद्यावारिधि ?
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
प्राकृतिक चिकित्सालय र योग चौतारीबीच
हिमालय टाइम्स र नियमित लेखनका