कांग्रेसले टुङ्ग्यायाे सरकारमा सहभागी हुने मन्त्रीहरुको नाम

१६ चैत्र २०७९, बिहिबार १८:५७

Read Time = 2 mins

राजनीति

A A- A+

काठमाडौं । नेपाली कांग्रेसले सरकारमा सहभागी हुने मन्त्रीहरुको नाम टुङ्ग्याएको छ।

कांग्रेसले उपसभापति पूर्णबहादुर खड्काको नेतृत्वमा ८ जना सांसद्‍लाई मन्त्रालयमा पठाउने भएको छ।

कांग्रेसबाट उपसभापति खड्का र रमेश रिजालमध्ये एक जनाले परराष्ट्र र एक जनाले रक्षा मन्त्रालयको जिम्मेवारी सम्हाल्ने तयारी छ ।

यस्तै अर्का उपसभापति धनराज गुरुङ सामान्य प्रशासन, एनपी साउँद शहरी विकास, सिता गुरुङ् भूमि ब्यवस्था, डिगबहादुर लिम्बू कानून, प्रकाश शरण महत अर्थ र मोहन बहादुर बस्नेत स्वास्थ्य मन्त्रालयको जिम्मेवारी सम्हाल्ने लगभग निश्चित भएको छ ।

बिहीबार बसेको कांग्रेस केन्द्रीय कार्यसम्पादन समितिको बैठकले कांग्रेसबाट मन्त्रीको नाम टुङ्गो लगाउने जिम्मेवारी सभापति शेरबहादुर देउवालाई दिएको थियो ।

आज सरकारलाई पूर्णता दिनेगरी प्रधानमन्त्री प्रचण्डले गृहकार्य अघि बढाएपनि अन्य दलहरुको अडानको कारणले आज शपथ गर्ने सम्भावना न्यून बनेको छ। कुन दललाई कुन मन्त्रालय दिने भन्ने सहमति भइनसकेको बालुवाटार स्रोतले बताएको छ ।

यो खबर पढेर तपाईलाई कस्तो महसुस भयो ?